حیدرآباد: آزاد ہند کے پہلے وزیر اعظم پنڈت جواہر لعل نہرو کی یاد میں ہر سال 14 نومبر کو یوم اطفال منایا جاتا ہے۔ اس خاص موقع پر بالی ووڈ اداکارہ کاجول نے انسٹاگرام پر بچپن کی ایک تصویر شیئر کی جس میں وہ اپنی چھوٹی بہن اور اداکارہ تنیشا مکھرجی کے ساتھ نظر آرہی ہیں۔ یہ ایک پرانی تصویر ہے، جس میں دونوں بہنیں کیمرے کے سامنے مسکرا رہی ہیں۔ اداکارہ نے یہ تصویر شیئر کرکے مداحوں کو یوم اطفال کی مبارکباد دی ہے۔Kajol Shares pic on Children's Day
- " class="align-text-top noRightClick twitterSection" data="
">
اس تصویر میں کاجول اور ان کی بہن نے ملتے جلتے لباس پہنے ہوئے ہیں۔ وہ دونوں گلابی سفید فراک میں تیار نظر آرہی ہیں۔ جہاں کاجول کا شرارتی انداز دیکھنے کو مل رہا ہے وہیں تنیشا کے چہرے پر معصومیت بکھیری ہوئی ہے۔ دونوں کے بال چھوٹے نظر آرہے ہیں۔ کاجول اپنی بہن کو گود میں اٹھائے کیمرے کے سامنے پوز دے رہی ہیں۔
- " class="align-text-top noRightClick twitterSection" data="
">
انسٹاگرام پر تصویر شیئر کرتے ہوئے کاجول نے لکھا کہ 'میرے اندر موجود بچے کو یوم اطفال مبارک ہو… پاگل رہو، برے رہو جیسے ہو ویسے رہو۔ تم جیسے ہو بالکل ویسے ہی اچھے ہو'۔ اب مداحوں کی جانب سے کاجول کی اس تصویر کو بے حد پسند کیا جارہا ہے۔اس تصویر پر اب تک 35 ہزار لائکس آچکے ہیں۔ اس کے ساتھ ہی کچھ مداح ایسے ہیں جو اس خوبصورت تصویر پر دل والا ایموجی شیئر کر رہے ہیں اور اداکارہ کو یوم اطفال کی مبارکباد دے رہے ہیں۔
کاجول تنوجا اور شومو مکھرجی کی بیٹی ہیں۔ حال ہی میں انہون نے انسٹاگرام پر بھائی دوج اور درگا پوجا کی تقریبات کی تصاویر شیئر کیں، جن میں وہ اپنی ماں اور بہن کے ساتھ نظر آرہی ہیں۔انہوں نے کئی سال تک اجے دیوگن کو ڈیٹنگ کرنے کے بعد سال 1999 میں ان سے شادی کی۔ جوڑے کے دو بچے ہیں، بیٹی نیاسا دیوگن اور بیٹا یوگ دیوگن۔ نیاسا کی پیدائش 20 اپریل 2003 کو ہوئی تھی اور سات سال بعد ان کے گھر بیٹے یوگ کی پیدائش ہوئی۔
کاجول نے حال ہی میں اپنی نئی فلم 'سلام وینکی' کی نقاب کشائی کی۔ اس فلم کا ٹریلر بھی بہت جلد ریلیز ہونے والا ہے۔ فلم رواں سال 9 دسمبر کو ریلیز ہو رہی ہے۔ اس فلم کو پرانی اداکارہ ریوتی نے ڈائریکٹ کیا ہے۔کاجول کو آخری بار سال 2021 میں تری بھنگا میں دیکھا گیا تھا۔ رینوکا شہانے کی ہدایت کاری میں بننے والی اس فلم میں تنوی اعظمی اور متھیلا پالکر بھی اہم کردار میں تھی۔
مزید پڑھیں: کاجول نے انسٹاگرام پر فروٹ ننجا اسٹنٹ ویڈیو شیئر کیا
