نئی دہلی: پٹیالہ ہاؤس کورٹ نے بالی ووڈ اداکارہ جیکلین فرنانڈیز کو سُکیش چندر شیکھر سے منسلک 200 کروڑ روپے کے دھوکہ دہی کیس میں راحت دی ہے۔ عدالت نے جیکلین کو 50 ہزار روپے کے ذاتی مچلکے پر عبوری ضمانت دی۔ پیر کے روز جیکلین عدالت میں پیشی کے لیے پٹیالہ ہاؤس پہنچیں۔ Jacqueline Gets Interim Bail In Money Laundering Case
جیکلین کے وکیل نے بتایا کہ وہ تحقیقات میں مسلسل تعاون کر رہی ہیں۔ جتنی بار تحقیقاتی ایجنسی نے انہیں پوچھ گچھ کے لیے بلایا، انہوں نے تعاون کیا۔ انہیں تحقیقاتی ایجنسیوں نے کئی بار دہلی میں پوچھ گچھ کے لیے بلایا۔ دلائل سننے کے بعد عدالت نے ہدایات کے ساتھ جیکلین کو عبوری ضمانت دے دی۔ عدالت نےکہاکہ جب انہیں تحقیقات ایجنسی کی جانب سے پوچھ گچھ کے لیے بلایا جائے تب وہ حاضر ہوں گی۔ کیس کی اگلی سماعت 22 اکتوبر کو ہوگی۔
چارج شیٹ میں نام شامل ہونے کے بعد، جیکلین 26 ستمبر کو پٹیالہ ہاؤس کورٹ میں پیش ہوئیں، جہاں جیکلین کے وکلاء نے باقاعدہ ضمانت کے لیے درخواست دائر کی ہے۔ اس درخواست پر عدالت نے ای ڈی کو جواب داخل کرنے کے لیے 22 اکتوبر تک کا وقت دیا ہے۔ تب تک جیکلین فرنینڈس کو عبوری ضمانت مل چکی ہے۔
مزید پڑھیں:
