ممبئی: ممبئی پولیس نے بالی ووڈ سپر اسٹار سلمان خان کو جان سے مارنے کی دھمکی دیئے جانے سے متعلق معاملے کی تحقیقات کا کام کرائم برانچ کو سونپ دیا ہے۔ Salman Khan Threats Case Hand over to Crime Branch
قبل ازیں اس معاملے کی جانچ مقامی باندرہ پولیس کر رہی تھی۔ باندرہ پولیس اسٹیشن کے حکام نے لارنس بشنوئی اور گولڈی برار کی جانب سے دستخط شدہ دھمکی آمیز خط کے بعدسلمان اور ان کے والد معروف اسکرین رائٹر سلیم خان کے بیانات درج کیے تھے۔
یہ بھی پڑھیں: Salman Khan House Security Tightened اداکار سلمان خان کے گھر پر سکیورٹی بڑھا دی گئی
ممبئی کرائم برانچ کے اینٹی ایکسٹورشن سیل کی ایک ٹیم نے گلوکار سدھو موسی والا قتل کیس میں پنجاب پولیس کے ذریعہ گرفتار شارپ شوٹر کپیل پنڈت سے پوچھ گچھ کرنے کے لیے چندی گڑھ کا دورہ کیا تھا، جو سلمان کو دھمکی دینے سے کچھ دن پہلےہوا تھا۔ اہم بات یہ ہے کہ چند ماہ قبل سلمان کو ممبئی پولیس نے اپنے دفاع کے لیے ریوالور لائسنس جاری کیا تھا۔
یو این آئی
