نئی دہلی: انٹرنیشنل فلم فیسٹیول آف انڈیا (آئی ایف ایف آئی) کے انڈین پینورما سیکشن کے لیے کشمیر فائلز، دی اسٹوری ٹیلر اور میجر (ہندی) سمیت مختلف زبانوں میں 45 فلموں کے انتخاب کا جمعہ کو اعلان کیا گیا۔ ان میں 25 فیچر فلمیں اور 20 غیر فیچر فلمیں شامل ہیں۔ بھارت کا 53 واں بین الاقوامی فلم فیسٹیول 20 سے 28 نومبر تک گوا میں منعقد ہوگا۔IFFI 2022
ہفتہ کو وزارت اطلاعات و نشریات کی طرف سے جاری کردہ ایک ریلیز کے مطابق نیشنل فلم ڈیولپمنٹ کارپوریشن کے زیر اہتمام انڈین پینوراما کے لیے معروف ڈائریکٹر اور ایڈیٹر انچیف ونود گناترا کی سربراہی میں 12 رکنی جیوری نے طے شدہ شرائط اور طریقہ کار کے مطابق سنیمیٹک، تھیمیٹک اور ایستھیٹک ایکسلنس والی فیچر فلموں کا انتخاب کیا ہے۔ نان فیچر فلموں کا انتخاب چھ رکنی جیوری نے کیا جس کی صدارت فلمساز، پروڈیوسر، مصنف اور نیشنل فلم ایوارڈ یافتہ صدر اوینم ڈورین نے کی۔
یو این آئی
