سال 2001 کی مقبول فلم غدر کے سیکوئل غدر 2 کے ٹریلر کو بدھ کے روز مداحوں کے ساتھ شیئر کردیا گیا ہے۔ ٹریلر کو مداحوں کی جانب سے ملا جلا ردعمل ملا رہا ہے۔ اس درمیان ان کی بہن ایشا دیول نے بھی فلم کے ٹریلر پر اپنے ردعمل کا اظہار کیا ہے۔ اداکارہ ایشا دیول نے فلم کے ٹریلر کو اپنے انسٹاگرام اسٹوری پر شیئر کیا ہے اور ٹریلر کے ساتھ انہوں نے تالیوں والا اور دل والا ایموجی بھی شیئر کیا ہے۔ اداکارہ نے اپنے بھائی سنی دیول کو بھی اپنی پوسٹ میں ٹیگ کیا ہے۔Esha Deol on Gadar 2 trailer
واضح رہے کہ حال ہی میں سنی دیول کے بیٹے کرن دیول کی شادی کی تقریب سے ہیمامالنی اور ان کی دونوں بیٹیاں ایشا اور آہان غیر حاضر نظر آئے تھے۔ حالانکہ ایشا نے اپنی انسٹاگرام اسٹوری کے ذریعہ کرن دیول اور دریشا آچاریہ کو شادی کی مبارکباد دی تھی۔
خیال رہے کہ ایشا اور آہنا ہیما مالنی اور دھرمیندر کی بیٹیاں ہیں، جب کہ دھرمیندر کی پہلی بیوی سے چار بچے ہیں - سنی اور بوبی دیول، اجیتا اور وجیتا دیول۔ غدر 2 اس سال کی سب سے زیادہ انتظار کی جانے والی فلموں میں سے ایک ہیں۔ یہ فلم سال 2001 کی فلم غدر کا سیکوئل ہے۔ جس میں سنی دیول ایک بار پھر تارا سنگھ کے دمدار کردار میں نظر آئیں گے۔ مداح انہیں بڑے پردے پر ایکشن اوتار میں دیکھنے کے لیے بے تاب ہیں۔ سنی دیول کے علاوہ اس فلم میں امیشا پٹیل اور اتکرش شرما بھی اہم کردار میں ہیں۔ فلم کی ہدایتکار انیل شرما نے کی ہے اور یہ 11 اگست کو سنیماگھروں کی زینت بننےوالی ہے۔
