حیدرآباد: آئندہ ایکشن کامیڈی فلم سرکس کے میکرز نے پیر کو فلم کا ٹیزر شیئر کیا۔ رنویر اس فلم میں دوہرا کردار ادا کرتے نظر آئیں گے۔ فلم کی کہانی ایک ایسے جڑواں بچوں کے گرد گھومتی ہے، جو حادثاتی طور پر پیدائش کے وقت ایک دوسرے سے جدا ہوجاتے ہیں۔Cirkus teaser out
روہت شیٹی کی ہدایت کاری میں بننے والی یہ فلم 23 دسمبر 2022 کو سینما گھروں میں نمائش کے لیے تیار ہے۔ سمبا اور سوریا ونشی کے بعد سرکس رنویر کی روہت شیٹی کے ساتھ تیسری فلم ہونے والی ہے۔ 60 کی دہائی کے دور پر مبنی یہ فلم رنویر کے کیرئیر کی پہلی ایسی فلم ہوگی جس میں وہ ڈبل رول میں نظر آئیں گے۔ انسٹاگرام پر ٹیزر شیئر کرتے ہوئے رنویر نے یہ بھی انکشاف کیا کہ فلم کا ٹریلر 2 دسمبر کو سامنے آئے گا۔
- " class="align-text-top noRightClick twitterSection" data="">
یہ فلم 1982 میں ریلیز ہونے والی ہندی فلم انگور پر مبنی ہے، جو ولیم شیکسپیئر کے ڈرامے دی کامیڈی آف ایررز سے ماخوذ تھی۔ وہیں اب سرکس میں روہت شیٹی نے اپنی مقبول کامیڈی فلم سیریز گول مال کے تمام معاون اداکاروں کو نمایاں کردار میں پیش کیا ہے۔ اس کاسٹ میں سدھارتھ جادھو، سنجے مشرا، مکیش تیواری، ورجیش ہرجی اور اشونی کالسیکر جیسے نام شامل ہیں۔
اس کے علاوہ رنویر سنگھ کرن جوہر کی ہدایتکاری میں بننے والی آئندہ فلم راکی اور رانی کی پریم کہانی میں عالیہ بھٹ، جیا بچن، شبانہ اعظمی اور دھرمیندر کے ساتھ نظر آنے والے ہیں۔ یہ فلم 28 اپریل 2023 کو ریلیز ہونے والی ہے۔ اس کے علاوہ وہ جنوبی ہدایتکار شنکر کی اگلی تمل بلاک بسٹر فلم انین کے آفیشیل ہندی ریمیک کا بھی حصہ ہوں گے۔
