بالی ووڈ کے اسٹار کڈ ایشان کھٹر اور اننیا پانڈے کے علیحدہ ہونے کی خبریں سوشل میڈیا پر طول پکڑ رہی ہیں۔ بالی ووڈ کی اس جوڑی کے حوالے سے افواہیں تھی کہ یہ تین سال سے ایک دوسرے کے ساتھ رشتے میں ہیں، تاہم اب یہ خبریں گردش کر رہی ہیں کہ ان دونوں نے باہمی رضامندی سے اس رشتہ کو ختم کرنے کا فیصلہ کرلیا ہے۔ حالانکہ اس جوڑے نے اس خبر پر نہ ہی کوئی اپنا ردعمل ظاہر کیا ہے اور نہ ہی ان دونوں نے کبھی عوامی پلیٹ فارم پر اپنے رشتے کی کبھی کوئی تصدیق کی تھی۔ لیکن یہ اکثر اپنے افیئر کی وجہ سے سرخیوں میں نظر آتے رہتے تھے۔ Ananya and Ishaan was Dating for 3 Years
- " class="align-text-top noRightClick twitterSection" data="
">
کہا جاتا ہے کہ اننیا اور ایشان کی محبت کی کہانی فلم کھالی پیلی کے سیٹ سے شروع ہوئی تھی اور تقریباً تین سال تک ڈیٹنگ کرنے کے بعد ان نوجوان اداکاروں نے اپنے اپنے راستے علیحدہ کرلیے ہیں۔ واضح رہے کہ حال ہی میں چنکی پانڈے کی بیٹی اننیا کو شاہد کپور کی سالگرہ تقریب میں بھی دیکھا گیا تھا۔ اس دوران ایشان اور اننیا ایک دوسرے کے ساتھ ہی نظر آئے تھے۔ وہیں جب ان دونوں کے رشتے کے حوالے سے خبریں آرہی تھی تب دونوں نے ہمیشہ سے ہی ایک دوسرے کو اچھا دوست بتایا تھا۔ Ananya and Ishaan Break Up Rumours
- " class="align-text-top noRightClick twitterSection" data="
">
اننیا سے پہلے بھی ایشان کھٹر کا نام مشہور بالی ووڈ اداکارہ شری دیوی کی بیٹی جانوی کپور کے ساتھ بھی جوڑا جاچکا ہے۔ ایشان اور جانوی کو فلم 'دھڑک' میں ایک ساتھ دیکھا گیا تھا۔ یہ دونوں کی ہی بالی ووڈ میں یہ پہلی فلم تھی۔ لیکن اس وقت بھی دونوں نے ان خبروں کی تردید کرتے ہوئے ایک دوسرے کو دوست بتایا تھا۔
اس کے بعد فلم 'کھالی پیلی' کے سیٹ پر ایشان کے افیئر کی خبروں نے زور پکڑا تھا۔ فی الحال دونوں ہی اپنے اپنے کیریئر پر فوکس کرنا چاہتے ہیں۔ اننیا کی فلموں کی بات کریں تو وہ حال ہی میں ایمیزون پرائم پر ریلیز ہونے والی فلم' گہرائیاں' میں دیپیکا پڈوکون اور سدھانت چترویدی کے ساتھ نظر آئیں۔ اننیا اپنی آئندہ فلم 'لیگر' میں ساؤتھ اسٹار وجے دیورکونڈا کے ساتھ نظر آئیں گی۔
وہیں دوسری جانب ایشان کھٹر کی آئندہ پروجیکٹ کی بات کریں تو وہ فلم 'فون بھوت' میں نظر آنے والے ہیں۔ یہ ایک مزاحیہ فلم ہوگی، جس میں ایشان، کترینہ کیف اور سدھانت چترویدی بھی اہم کردار میں ہوں گے۔ فلم رواں سال کے جولائی ماہ میں ریلیز ہونے والی ہے۔
