نئی دہلی: بالی ووڈ اداکار امیتابھ بچن نے منگل کو رشی سنک کو برطانیہ کا پہلا بھارتی نژاد وزیر اعظم بننے پر پذیرائی کی ہے۔ انسٹاگرام پر امیتابھ نے ایک تصویر شیئر کرتے ہوئے لکھا کہ ' جے بھارت۔۔ اب برطانیہ میں بالآخر مادر وطن سے ایک نیا وائسرائے وزیراعظم ہے'۔Amitabh Bachchan on Rishi Sunak
- " class="align-text-top noRightClick twitterSection" data="
">
اس تصویر میں امیتابھ بچن گرے رنگ کی ہوڈی اور ٹریک پینٹ میں زبردست نظر آرہے ہیں۔ لز ٹرس کے برطانوی وزیراعظم کے عہدے سے استعفیٰ کے بعد کنزرویٹو پارٹی کے رہنما رشی سنک گزشتہ روز برطانیہ کے پہلے بھارتی نژاد وزیراعظم بن گئے ہیں۔
سنک کی قسمت کا ستارہ تب چمکا جب لزٹرس کے دورِ اقتدار میں پیش کیے گئے منی بجٹ کو شدید تنقید کا سامنا کرنا پڑا، جس کے بعد وزیراعظم لز ٹرس کے استعفی دینے کے بعد ان کی کابینہ نے بھی استعفی دینا شروع کردیا۔لز، صرف 45 دن کے لیے اس عہدے پر فائز رہیں اور اس کے ساتھ ہی وہ برطانوی تاریخ کی پہلی ایسی وزیراعظم رہیں جنہوں نے سب سے کم مدت تک اس عہدے کی ذمہ داری سنبھالی۔ 10 ڈاؤننگ اسٹریٹ کے سامنے کھڑے ہوتے ہوئے لزٹرس نے کہا کہ وہ تسلیم کرتی ہیں کہ انہیں معاشی حالات بہتر کرنے کے مینڈیٹ کے ساتھ وزیرِاعظم کی ذمہ داری دی گئی تھی لیکن وہ یہ حاصل کرنے میں ناکام رہیں۔
لز ٹرس، سابق برطانوی وزیرِاعظم بورس جانسن کے استعفی کے بعد وزیرِاعظم منتخب ہوئی تھیں اور ان کو برطانوی حکمران پارٹی کنزرویٹو ممبران نے وزارتِ اعظمی کے دیگر امیدواروں کے مقابلے میں منتخب کیا تھا۔
سنک کی پیدائش ساوتھمپٹن میں رہائش پذیر ایک بھارتی خاندان میں ہوئی، جو مشرقی افریقہ سے برطانیہ ہجرت کر آئے تھے۔ آکسفورڈ، اور اسٹینفورڈ یونیورسٹی سے تعلیم حاصل کرنے والے سنک نے آئی ٹی کمپنی انفوسس کے شریک بانی نارائن مورتی کی بیٹی اکشتا مورتی سے شادی کی ہے۔ واضح رہے کہ برطانیہ میں گزشتہ 3 وزرائے اعظم اپنا دور مکمل نہیں کرسکے اور انہیں وقت سے پہلے استعفی دینا پڑا ہے۔
امیتابھ بچن کے کام کے بارے میں بات کریں تو وہ انوپم کھیر، بومن ایرانی اور پرینیتی چوپڑا کے ساتھ آئندہ فیملی انٹرٹینر فلم 'اونچائی' میں نظر آئیں گے۔ سورج برجاتیہ کی ہدایتکاری میں بننے والی یہ فلم 11 نومبر 2022 کو سینما گھروں میں ریلیز ہوگی۔ اس کے علاوہ ان کے پاس دیپیکا پڈوکون اور پربھاس کے ساتھ پین انڈیا فلم 'پروجیکٹ کے' اور 'دی انٹرن' بھی ہے۔
مزید پڑھیں: Who is Rishi Sunak: برطانیہ کے نئے وزیراعظم رشی سونک کے بارے میں آپ کیا جانتے ہیں؟
