ممبئی: 'سیتا رامم' کی کامیابی کے بعد اب خوبصورت اداکارہ مرنال ٹھاکر اکشے کمار اور عمران ہاشمی کی فلم سیلفی میں اپنی اداکاری کا جادو دکھانے کے لیے تیار ہیں۔ اداکارہ فلم میں شاندار انداز میں نظر آئیں گی جس کی جھلکیاں منظر عام پر آگئی ہیں۔ اداکارہ فلم کے ایک گانے ' کڑیے نی تیری وائب' میں اکشے کمار کے ساتھ ڈانس کرتی نظر آرہی ہیں۔Kudiye Ni Teri Vibe Release
گانے میں مرنال کا گلیمرس انداز
- " class="align-text-top noRightClick twitterSection" data="
">
فلم کا گانا آج ریلیز ہوگیا ہے جس کا ٹائٹل کُڑیے نی تیری وِب ہے جو ایک ڈانس نمبر ہے۔ گانے میں مرنل ٹھاکر بہت گلیمرس نظر آرہی ہیں۔ مرنل ٹھاکر نے انسٹاگرام اکاؤنٹ پر گانے کا ٹیزر بھی شیئر کیا ہے اور اس کے کیشپن میں لکھا ہے کہ ' کڑیے نی تیری وائب پر ڈانس کریں اور ایک دوسرے کے ساتھ سنیں! مکمل گانا اب ریلیز ہو چکا ہے'۔ گانے میں مرنل اور اکشے کے درمیان زبردست کیمسٹری دیکھنے کو مل رہی ہے۔
- " class="align-text-top noRightClick twitterSection" data="
">
فلم فروری میں ریلیز ہوگی
واضح رہے کہ اکشے کمار اور عمران ہاشمی کی فلم ’سیلفی‘ کا ٹریلر 22 جنوری کو فلم میکرز نے ریلیز کیا ہے۔ راج مہتا کی ہدایت کاری میں بننے والی اس فلم میں اداکارہ ڈیانا پینٹی اور نصرت بھروچا بھی مرکزی کردار میں نظر آئیں گی۔ اکشے کمار اور عمران ہاشمی کی جوڑی پہلی بار آن اسکرین نظر آنے والے ہیں۔ یہ فلم رواں ماہ 24 فروری کو سینما گھروں کی زینت بنے گی۔
جیسا کہ سیلفی کے ٹریلر میں دیکھا گیا ہے کہ فلم کی کہانی ایک سپر اسٹار (اکشے کمار) کے گرد گھومتی ہے، جو اپنی آن اسکرین شخصیت اور ڈرائیونگ کے شوق کے لیے مشہور ہے۔ کہانی میں موڑ تب آتا ہے جب وہ اپنا لائسنس کھو دیتا ہے۔ فلم میں عمران ہاشمی ایک مداح کا کردار ادا کر رہے ہیں۔ سیلفی ملیالم فلم ڈرائیونگ لائسنس کا آفیشل ہندی ریمیک ہے، جس میں پرتھوی راج اور سورج وینجاراموڈو نے اداکاری کی ہے۔
مزید پڑھیں:مرنال ٹھاکر کی خوبصورت تصاویر پر نظر ڈالیں، دیکھیں
