بالی ووڈ اداکارہ ایشوریہ رائے بچن ان بھارتی اداکاراؤں میں سے ایک ہیں جو برسوں سے کانز فلم فیسٹیول میں باقاعدگی سے شرکت کر رہی ہیں۔ منگل یعنی 16 مئی کی رات کو ایشوریہ کو ممبئی کے ہوائی اڈے پر دیکھا گیا۔ اداکارہ اس سال بھی کانز فلم فیسٹیول میں شرکت کے لیے ممبئی سے فرانس روانہ ہوئی ہیں۔ ایشوریہ کے ساتھ ان کی بیٹی آرادھیا بچن بھی تھیں اور ہمیشہ کی طرح وہ اپنی بیٹی کے حوالے سے محتاط نظر آئیں۔ ایک ویڈیو میں پاپرازیوں اور مداحوں سے گھری ایشوریہ بیٹی آرادھیا کو بھیڑ سے بچاتی نظر آرہی ہیں۔Aishwarya Rai leaves for Cannes
- " class="align-text-top noRightClick twitterSection" data="
">
پاپرازی اکاؤنٹ پر شیئر کی گئی ایک ویڈیو میں ایشوریہ کو بیٹی آرادھیا کے ساتھ اپنی کار سے باہر نکلتے ہوئے دیکھا جا سکتا ہے۔ جیسے ہی چند مداح سیلفی لینے کے لیے اسٹار کے قریب آتے ہیں آرادھیا اپنی ماں سے دور ہوتی نظر آتی ہیں۔ لیکن یہ دیکھ کر ایشوریہ مداحوں سے درخواست کرتی ہیں کہ وہ تھوڑا پیچھے ہٹ جائیں تاکہ آرادھیا کو چلنے کے لیے راستہ مل سکے۔
ہوائی اڈے پر ایشوریہ رائے کو کالے رنگ کے اوور کوٹ میں ملبوس دیکھا گیا، جبکہ آرادھیا نے نیلے رنگ کے ڈینم کے ساتھ گلابی رنگ کا ٹاپ پہنا ہوا تھا۔ آرادھیا گزشتہ کچھ برسوں سے کانز میں اپنی ماں ایشوریہ کے ساتھ جا رہی ہیں۔ پچھلے سال بھی آرادھیا کو ایشوریہ کے ساتھ دیکھا گیا تھا۔
واضح رہے کہ 76ویں کانز فلم فیسٹیول 16 مئی کو شروع ہوا اور یہ 27 مئی تک جاری رہے گا۔ فیسٹیول کے پہلے دن بالی ووڈ کے ستارے جیسے سارہ علی خان، ایشا گپتا، مانوشی چھلر اور اروشی روتیلا 2023 کانز فلم فیسٹیول میں ریڈ کارپٹ پر جلوہ گر ہوئے۔ معروف فلمی میلے کے 76ویں ایڈیشن کا آغاز منگل کو ہوا۔
