ممبئی (مہاراشٹر): اداکار گرمیت چودھری اور دیبینا بینرجی دوبارہ والدین بننے کے لیے تیار ہیں۔ منگل کو جوڑے نے انسٹاگرام پر دیبینا کے دوسرے حمل کے بارے میں جانکاری دی۔Debina Bonnerjee Announce Second Pregnancy
جوڑے نے ایک دلکش تصویر شیئر کی، جس میں دیبینا کو سونوگرام رپورٹ پکڑے ہوئے دیکھا جاسکتا ہے۔ اس تصویر کو شیئر کرتے ہوئے دیبینا نے یہ بھی تسلیم کیا کہ یہ حمل غیر منصوبہ بند تھا۔ اداکارہ نے یہ خوشخبری شیئر کرتے ہوئے لکھا کہ ' کچھ فیصلے قدرتی ہوتے ہیں اور انہیں بدلا نہیں جاسکتا ہے۔ یہ ایک نعمت ہے۔ جلد ہی ہماری فیملی کو مکمل کرنے کے لیے آرہا ہے'۔
- " class="align-text-top noRightClick twitterSection" data="
">
اس پوسٹ کے آنے کے بعد اداکاروں کو مداحوں کی جانب سے مبارکباد ملنے کا سلسلہ شروع ہوگیا ہے۔ اس کے علاوہ تسنیم نیرورکر، ماہی وج، ٹینا دتا، تنوی ٹھاکر، اور انڈسٹری کے بہت سے دوسرے مشہور اداکاروں نے جوڑے کو مبارکباد بھیجی ہے۔
واضح رہے کہ گرمیت اور دیبینا 2011 میں شادی کے بندھن میں بندھے تھے۔ جوڑے نے رواں سال اپریل میں اپنی پہلی بیٹی لیانا کا استقبال کیا۔
