وقت: 03:20
ریاست جھارکھنڈ میں تین بجے تک مجموعی طور پر 49.20 فیصد ووٹنگ درج کی گئی۔ جھارکھنڈ میں چار پارلیمانی حلقوں کے لیے ووٹنگ ہو رہی ہے
وقت: 03:10
ریاست بہار میں 3 بجے تک مجموعی طور پر 44.28 فیصد ووٹنگ درج کی گئی۔ بہار میں پانچ پارلیمانی حلقوں کے لیے آج ووٹنگ ہو رہی ہے۔
وقت: 03:00
ریاست راجستھان میں 3 بجے تک مجموعی طور پر 50 فیصد ووٹنگ درج کی گئی۔ راجستھان کی 12 پارلیمانی سیٹوں کے لیے آج انتخابات ہو رہے ہیں۔
وقت: 02:50
سہارا گروپ کے سربراہ سبرت رائے نے اترپردیش کے دارالحکومت لکھنؤ کے ایک انتخابی مرکز میں اپنے حق رائے دہی کا استعمال کیا۔
وقت: 02:40
بھارٹی کرکٹ ٹیم کے سابق کپتان مہیندر سنگھ دھونی نے جھاکھنڈ کے دارالحکومت رانچی میں اپنے حق رائے دہی کا استعمال کیا۔
وقت: 02:30
ریاست بہار میں 2 بجے تک مجموعی طور پر 39.97 فیصد ووٹنگ درج کی گئی۔ بہار میں پانچ پارلیمانی حلقوں کے لیے آج ووٹنگ ہو رہی ہے۔
وقت: 02:20
ریاست مدھیہ پردیش میں 2 بجے تک 43.48 فیصد ووٹنگ درج کی گئی۔ ریاست کے سات پارلیمانی حلقوں کے لیے آج ووٹنگ ہو رہی ہے۔
وقت: 02:00
ریاست جموں و کشمیر میں 2 بجے تک مجموعی طور پر 11.35 فیصد ووٹنگ درج کی گئی۔ لداخ پارلیمانی حلقے کے لیے 40.28 فیصد، جبکہ اننت ناگ پارلیمانی حلقے کے لیے 1.72 فیصد ووٹنگ درج کی گئی۔
وقت: 01:30
ریاست مدھیہ پردیش میں 1 بجے تک 39.52 فیصد ووٹنگ درج کی گئی۔ ریاست کے سات پارلیمانی حلقوں کے لیے آج ووٹنگ ہو رہی ہے۔
وقت: 01:20
ریاست جموں و کشمیر میں اننت ناگ پارلیمانی حلقے کے لیے 1 بجے تک مجموعی طور پر 1.44 فیصد، جبکہ لداخ پارلیمانی حلقے کے لیے 21.01 فیصد ووٹنگ درج کی گئی ہے۔
وقت: 01:10
ریاست راجستھان میں 1 بجے تک مجموعی طور پر 43 فیصد ووٹنگ درج کی گئی۔ راجستھان کی 12 پارلیمانی سیٹوں کے لیے آج انتخابات ہو رہے ہیں۔
وقت: 01:00
ریاست بہار میں 1 بجے تک مجموعی طور پر 32.24 فیصد ووٹنگ درج کی گئی۔ بہار میں پانچ پارلیمانی حلقوں کے لیے آج ووٹنگ ہو رہی ہے۔
وقت: 12:50
جموں وکشمیر کے ضلع پلوامہ میں نامعلوم افراد نے ٹکنا نامی گاؤں میں مقامی پولنگ بوتھ پر ہتھ گولا پھینکا، لیکن وہ پھٹا نہیں۔ ہتھ گولے کی اطلاع ملنے کے بعد علاقے میں کھلبلی مچ گئی۔
ہتھ گولے پھینکنے کے بعد سکیورٹی اہلکاروں نے پورے علاقے کو اپنے قبضے میں لے کر تفتیش شروع کردی ہے۔
وقت: 12:40
ریاست جموں و کشمیر کے لداخ پارلیمانی حلقے کے لیے 12 بجے تک 20.01 فیصد ووٹنگ درج کی گئی۔
وقت: 12:30
بی جے پی نے مغربی بنگال کے بیرک پور پارلیمانی حلقے کے لیے دوبارہ ووٹنگ کا مطالبہ کیا ہے۔ بی جے پی نے الزام عائد کیا ہے کہ ممتا بنرجی دھاندلی کے ذریعے انتخابات میں فتح حاصل کرنا چاہتی ہیں۔
بی جے پی کا کہنا ہے کہ بیرک پور میں کارکنان کو بڑی طرح زدکوب کیا گیا اور بڑی تعداد میں رائے دہندگان کو انتخابی مرکز تک جانے نہیں دیا گیا۔
وقت: 12:20
ریاست بہار میں 12 بجے تک مجموعی طور پر 26.19 فیصد ووٹنگ درج کی گئی۔ بہار میں پانچ پارلیمانی حلقوں کے لیے آج ووٹنگ ہو رہی ہے۔
وقت: 12:00
ریاست جموں و کشمیر میں اننت ناگ پارلیمانی حلقے کے لیے11 بجے تک 1.12 فیصد ووٹنگ درج کی گئی۔ ترال میں 0.41 فیصد، پامپور میں 2.73 فیصد، پلوامہ میں 0.33 فیصد، راجپورہ میں 0.84 فیصد، واچھی میں 0.66 فیصد اور شوپیاں میں 1.86 فیصد ووٹنگ درج کی گئی ہے۔
وقت: 11:50
ریاست جموں و کشمیر میں اننت ناگ پارلیمانی حلقے کے لیے11 بجے تک 1.12 فیصد ووٹنگ درج کی گئی۔ اننت ناگ پارلیمانی حلقے کے لیے آج پلوامہ اور شوپیاں میں ووٹنگ ہو رہی ہے۔
وقت: 11:40
ریاست مغربی بنگال میں 11 بجے تک 33.47 فیصد ووٹنگ درج کی گئی۔ ریاست کے سات پارلیمانی حلقوں کے لیے آج انتخابات ہو رہے ہیں۔
وقت: 11:30
ریاست جموں و کشمیر میں ضلع پلوامہ کے ترال علاقے میں انتخابی مرکز پر نامعلوم افراد کی جانب سے پٹرول بم بھینکا گیا۔ کسی قسم کے نقصان کی کوئی اطلاع نہیں ہے۔
وقت: 11:20
مرکزی وزیر اور امیٹھی پارلیمانی حلقے سے بی جے پی کی امیدوار سمرتی ایرانی نے سماجی رابطے کی ویب سائٹ ٹوئٹر پر ایک ویڈیو شیئر کرکے کانگریس پر انتخابی مرکز پر قبضے کا الزام عائد کیا۔
وقت: 11:10
ریاست بہار میں 11 بجے تک مجموعی طور پر 20.95 فیصد ووٹنگ درج کی گئی۔ بہار میں پانچ پارلیمانی حلقوں کے لیے آج ووٹنگ ہو رہی ہے۔
وقت: 11:00
ملک بھر میں 10 بجے تک 12.65 فیصد ووٹنگ درج کی گئی۔پانچویں مرحلے میں سات ریاستوں کی 51 پارلیمانی حلقوں کے لیے 674 امیدوار میدان میں ہیں، ان میں 78 خواتین ہیں۔
وقت: 10:50
ریاست اترپردیش میں 10 بجے تک 11.51 فیصد ووٹنگ درج کی گئی۔ اترپردیش کی 14 سیٹوں کے لیے آج انتخابات ہو رہے ہیں۔
وقت: 10:40
ریاست مغربی بنگال میں 10 بجے تک 16.56 فیصد ووٹنگ درج کی گئی۔ ریاست کے سات پارلیمانی حلقوں کے لیے آج انتخابات ہو رہے ہیں۔
وقت: 10:30
ریاست راجستھان کے ضلع ناگور میں 120 سالہ فہیمہ بانو نے اپنے حق رائے دہی کا استعمال کیا۔
وقت: 10:20
ملک بھر تاحال 206 وی وی پیٹ اور 126 ای وی ایم مشین خراب ہونے کی اطلاع ہے۔ الیکشن کمیشن کے مطابق ان میں سے بیشتر کو درست کر لیا گیا ہے۔
وقت: 10:10
ریاست بہار میں 10 بجے تک مجموعی طور پر 15 فیصد ووٹنگ درج کی گئی۔ بہار میں پانچ پارلیمانی حلقوں کے لیے آج انتخابات ہو رہے ہیں۔
وقت: 10:00
بہار میں سونپور اسمبلی حلقے ایک انتخابی مرکز میں ای وی ایم مشین توڑی گئی، پولیس نے ملزم رنجیت پاسوان کو گرفتار کر لیا ہے۔
وقت: 09:50
الیکشن کمیشن نے مغربی بنگال کے بیرک پور میں ہونے والی تشدد پر رپورٹ طلب کی ہے۔ بیرک پور کے موہن پور میں بی جے پی اور ترنمول کانگریس کے کارکنان کے درمیان جھڑ پ میں بی جے پی امیدوار ارجن سنگھ زخمی ہو گئے۔
وقت: 09:40
جموں و کشمیر کے پلوامہ میں روہمو گاؤں کے پولنگ بوتھ کی جانب گرینیڈ پھینکا گیا، اس میں کسی قسم کے نقصان کی کوئی اطلاع نہیں ہے۔
وقت: 09:00
مغربی بنگال میں بیرک پور پارلیمانی حلقے سے بی جے پی کے امیدوار ارجن سنگھ اور پولیس کے مابین ہاتھا پائی کی اطلاع ہے۔
وقت: 08:20
یوپی کی سابق وزیراعلی اور بی ایس پی کی سربراہ مایاوتی نے لکھنؤ کے سٹی مونٹیسوری انٹر کالج میں اپنے حق رائے دہی کا استعمال کیا۔
وقت: 08:10
ریاست بہار میں 8 بجے تک مجموعی طور پر 03.86 فیصد ووٹنگ درج کی گئی۔ بہار میں پانچ پارلیمانی حلقوں کے لیے آج انتخابات ہو رہے ہیں۔
وقت: 08:00
وزیراعظم نریندر مودی نے سماجی رابطے کی ویب سائٹ ٹوئٹر کے ذریعے ملکی عوام سے پانچوے مرحلے کے انتخابات کے لیے بڑی تعداد ووٹنگ کی اپیل کی۔
وقت: 07:50
مغربی بنگال کے ضلع ہگلی کے آرام باغ میں بوتھ نمبر 218 پر ترنمول کانگریس اور بی جے پی کے کارکنان کے مابین ہونے والی جھڑپ میں 5 افراد زخمی ہو گئے۔
وقت: 07:40
مرکزی وزیرداخلہ اور لکھنؤ پارلیمانی حلقے سے بی جے پی کے امیدوار راجناتھ سنگھ نے لکھنؤ کے اسکالرس ہوم اسکول میں اپنے حق رائے دہی کا استعمال کیا۔
وقت: 07:30
پانچوے مرحلے میں سات ریاستوں کی 51 پارلیمانی حلقوں کے لیے 674 امیدوار میدان میں ہیں، ان میں 78 خواتین ہیں۔
اترپردیش کی 14، راجستھان کی 12، مغربی بنگال اور مدھیہ پردیش کی سات، بہار کی پانچ، جھارکھنڈ کی چار، جموں و کشمیر میں لداخ پارلیمانی حلقہ اور اننت ناگ پارلیمانی حلقے کے لیے پلوامہ اور شوپیاں میں ووٹنگ شروع ہو چکی ہے۔
