مہاراشٹر کے ضلع تھانے میں پولیس نے نامعلوم افراد کے خلاف نابالغ کے ساتھ اجتماعی جنسی زیادتی کی رپورٹ درج کی ہے۔
پولیس نے بتایا کہ پولیس نے ملزمین کا سُراغ لگانے کے لیے ایک ٹیم تشکیل دے کر ملزمین کی تلاش شروع کردی گئی ہے۔
کلیان ڈویژن کے ڈومبیولی منپاڑہ پولیس اسٹیشن کے ایس ایچ او کے مطابق ایک نابالغ لڑکی کو ملزمین نے جنسی زیادتی کا نشانہ بنایا۔
پولیس نے بتایا کہ ملزمین کے خلاف تعزیرات ہند کی دفعہ 376 اور بچوں کے جنسی جرائم و تحفظ ایکٹ کے تحت مقدمہ درج کیا گیا ہے۔
انہوں نے کہا کہ فوری طور پر یہ معلوم نہیں ہوسکا کہ اس جرم میں کتنے لوگ ملوث تھے۔
یو این آئی رپورٹ
