ریاست اترپردیش کے شہر سہارنپور کے دیوبند علاقہ میں اینٹ بھٹے پر کام کرنے والی ایک18 سالہ دیہی لڑکی نے کوتوالی میں اینٹ بھٹے پر ہی کام کرنے والے نوجوان پر جنسی زیادتی کی کوشش کرنے کا الزام عائد کیا ہے۔
متاثرہ نے پولیس اسٹیشن میں دی گئی تحریر میں بتایا کہ وہ پیر کی صبح رفع حاجت کے لئے جنگل گئی تھی، اس دوران نوجوان بھی وہاں پہنچ گیا اور غلط نیت سے اسے کھیت میں کھینچتے ہوئے اس کے ساتھ جنسی زیادتی کی کوشش کرنے لگا۔متاثرہ نے بتایا اس کے شور مچانے پر موقع پر پہنچے مقامی لوگوں کو دیکھ کر ملزم نے اسے جان سے مارنے کی دھمکی دی اور وہاں سے فرار ہوگیا۔
پولیس نے متاثرہ کی شکایت پر ملزم کے خلاف مقدمہ درج کرکے معاملے کی تفتیش شروع کردی ہے۔
