بہار کے ضلع کیمور میں پچیس سالہ نوجوان سید خان کا آج کچھ نامعلوم شرپسندوں نے بے رحمی سے قتل کردیا، اس واقعہ کے سبب علاقے میں سنسنی کا ماحول ہے۔
ویڈیو
اطلاعات کے مطابق چین پور تھانہ حلقہ کے سربٹ موضع کا رہائشی سید خان گزشتہ رات گھر کے باہر سورہا تھا۔ تبھی کچھ نامعلوم جراٸم پیشہ افراد نے سید خان کا بے رحمی سے گلا کاٹ کر قتل کردیا۔
مزید پڑھیں:پننا ایسڈ اٹیک معاملہ: پولیس نے دونوں ملزمین کو گرفتار کر لیا
واقعے کی صبح اس کی اطلاع مقتول کے کنبہ سمیت جب گاٶں کے لوگوں کو ملی تو مقامی لوگ جائے حادثے پر پہنچے اور پولیس کو اس کی اطلاع دی، موقع پر پہنچی پولیس نے لاش کو قبضے میں لے کر پوسٹ مارٹم کے لیے روانہ کردیا اور معاملے کی تحقیقات شروع کردی۔
