ضلع سرینگر کے نشاط علاقے میں تعینات پولیس اہکار ہیڈ کانسٹیبل سرشاد احمد اور ایس پی او کے خلاف باغ گل لالہ (ٹیولپ گارڈن) کے ٹکٹ دینے والے ٹھیکیدار نے پچاس ہزار رشوت لینے کا الزام عائد کیا ہے۔ مذکورہ ٹھیکیدار نے سرینگر پولیس کے متعلقہ افسران کے پاس اس کے متعلق شکایت درج کرائی ہے جس کے بعد پولیس نے اس معاملے میں انکوائری کرنے کے احکامات جاری کردیئے ہیں۔ ایس ایس پی سرینگر راکیش بلوال نے بتایا کہ انہوں اس معاملے کی تحقیقات کرنے کے احکامات صادر کئے ہیں۔ تاہم اطلاعات کے مطابق ملزمان کو گرفتار کیا گیا ہے جب کہ نشاط پولیس تھانے کے ایس ایچ او رئیس احمد وانی کو عہدے سے برطرف کیا گیا ہے اور انکی جگہ انسپکٹر محمد اقبال کو وہاں تعینات کیا گیا ہے۔
یہ بھی پڑھیں:
Mining Inspector Caught for Taking Bribe: مائننگ انسپکٹر کے ساتھ مارپیٹ اور رشوت معاملے کی جانچ کا حکم
ایس ایس پی کا کہنا ہے کہ کسی بھی اہلکار کو گرفتار نہیں کیا گیا ہے تاہم انکوائری کے احکامات جاری کئے گئے ہیں۔ یاد رہے کہ ٹیولپ گارڈن کو گزشتہ دنوں عوام کے لئے کھول دیا گیا ہے۔ اس باغ میں گل لالوں کو دیکھنے کے لئے ہزاروں سیاح آتے ہیں۔ محکمہ باغبانی اس باغ کے ٹکٹ کو ٹینڈرنگ کے ذریعے ٹھیکے پر دیتے ہیں۔