منشیات کے خلاف بڈگام پولیس کی کارروائیاں مسلسل جاری ہیں۔ اس دوران چاڈورہ کے قاضی پورہ علاقے سے تقریباً تین کوئنٹل منشیات برآمد کی ہے۔ یہ منشیات چاڈورہ کے عبدالقیوم کے گھر سے برآمد کی گئی۔
پولیس کے مطابق اس معاملے میں تین افراد ملوث ہیں جن کی شناخت عبدالقیوم بٹ، گلزار احمد بٹ اور امتیاز احمد تیلی کے طور پر ہوئی ہے۔
ذرائع کے مطابق تینوں افراد فی الحال فرار ہیں۔ چاڈورہ پولیس نے ایف آئی آر درج کر کے مزید تحقیقات شروع کر دی ہے۔
یہ بھی پڑھیں: جموں میں عسکریت پسند گرفتار
واضح رہے کہ منشیات کے خلاف بڈگام پولیس نے کارروائی کو تیز کیا ہے اور گزشتہ چند ہفتوں میں منشیات سے وابستہ کئی افراد کی گرفتاریاں عمل میں لائی گئی ہیں۔
پولیس نے بتایا کہ یہ مہم اس وقت تک جاری رہے گی جب تک وہ علاقے کو منشیات سے مکمل طور پر پاک نہیں کر دیں گے۔
