بہار میں ضلع گیا کے بارہ چٹی بلاک میں واقع بجرکر گاؤں میں بچوں کی لڑائی خونی جنگ میں تبدیل ہوگئی ہے۔ جھگڑے کی شروعات صبح اس وقت ہوئی جب دو نابالغ لڑکوں کی موٹر سائیکل آپس میں ٹکرا گئی، معاملے کو طول پکڑتا دیکھ کر پڑوس کے لوگوں نے معاملہ کو شانت کرایا، تاہم شام میں ایک بار پھر کرکٹ کھیلتے ہوئے جھگڑا ہوگیا۔
کھیل ختم ہونے کے بعد ایک بچے کے والد نے اچانک اندھا ؤدھند فائرنگ کرنا شروع کردیا، جس کی زد میں ایک خاتون اختری، سمیت دو نوجوان شہباز ظفر اور راشد ظفر آگئے، مقامی لوگوں کے مطابق قریب نصف گھنٹے تک گولی لگاتار چلتی رہی، بتایا جارہا ہے کہ گولی چلانے والے گروپ کا تعلق قریشی برادری سے ہے۔
مزید پڑھیں:جموں: فائرنگ میں دو بھائی ہلاک
گولی چلانے والے ملزم پر ضلع اور جھارکھنڈ کے کئی تھانوں میں لوٹ اور قتل جیسے کئی معاملات درج ہیں۔ فی الحال پولیس معاملے کی تحقیقات کررہی ہے۔
