غازی آباد: ایک ہی خاندان کے 4 افراد کو ماری گئی گولی، 3 افراد ہلاک

دہلی سے متصل غازی آباد میں واقع لونی کے ٹولی محلے میں نامعلوم بدمعاشوں نے ایک ہی خاندان کے چار افراد کو گولی مار دی، جن میں سے تین لوگوں کی موت ہو گئی جب کہ ایک شدید طور سے زخمی ہے۔

غازی آباد کے لونی کوتوالی کے ٹولی محلے میں اتوار کی دیر رات ایک ہی خاندان کے چار افراد کو نامعلوم شرپسندوں نے گولی مار دی، جس میں تین افراد کی موت (Shot dead) کی اطلاع ہے، جبکہ ایک شدید زخمی ہے۔

بتایا جارہا ہے کہ ہلاک شدہ شخص کا نام رئیس الدین تھا اور وہ کپڑے کے کاروباری تھے۔ شرپسندوں نے رئیس الدین، ان کی اہلیہ اور دو بیٹوں کو بھی گولی مار دی۔ گولی لگنے کے بعد جہاں ان کے دونوں بیٹوں کی موت ہوگئی، لیکن ان کی اہلیہ کی حالت نازک ہے۔

واردات میں ڈکیتی کے زاویے سے لے کر دیگر زاویوں پر پولیس تفتیش کر رہی ہے۔ یہ واردات صبح 3 بجے کی بتائی جارہی ہے۔ واقعے کے بعد علاقے میں خوف و ہراس کا ماحول ہے۔