یہ اجلاس تقریبا دو گھنٹے جاری رہا جس میں مختلف امور پر تفصیلی تبادلہ خیال کیا گیا۔ تاہم ریاست میں اضلاع کی تعداد 25 کرنے کا مسئلہ بھی چھایارہا۔ ساتھ ہی وائی ایس آر چے یتا اسکیم پر عمل، بی سی، ایس سی، ایس ٹی، اقلیتی خواتین کو مالی مدد کے لیے اسکیم پر بھی تبادلہ خیال کیاگیا۔
ریاست میں اضلاع کی موجودہ تعداد 13 ہے۔ نئے اضلاع کے قیام کا عمل آئندہ سال 31 مارچ تک مکمل کرلیا جائے گا۔ نئے اضلاع کی سرحد پارلیمانی حلقوں کی سرحد کے لحاظ سے ہوں گی۔ اس مقصد کے لیے ایک کمیٹی کی منظوری بھی دی گئی ہے۔
یہ کمیٹی چیف سکریٹری کی صدارت میں کام کرے گی۔ وزیراعلی نے انتخابی وعدہ کے مطابق نئے اضلاع کے قیام کے عمل کا آغاز کیا ہے۔ حکومت نے نئے فیصلہ کے مطابق 13 اضلاع کی تنظیم جدید کی جائے گی اوران کی تعداد کو بڑھا کر25 کر دیا جائے گا۔
نائب وزیراعلی پشپاسراونی نے کہا کہ نئے تشکیل شدہ اراکو ضلع میں کافی جغرافیائی علاقہ ہے۔وزیراعلی نے نشاندہی کی کہ اراکو ضلع چار اضلاع پر پھیلاہوا ہے۔ اس پس منظر میں انہوں نے حکام کو ہدایت دی کہ وہ اراکو کو دو اضلاع میں تقسیم کیاجائے۔ انہوں نے کہا کہ پسماندہ علاقوں کی ترقی کے مقصد سے نئے اضلاع تشکیل دیئے جارہے ہیں۔
