پولیس ذرائع نے ہفتہ کو یہاں بتایا کہ یہ حادثہ جمعہ کی دیر رات ادلپور رنگ روڈ پر بھگوان پور واقع سی این جی پمپ کے نزدیک پیش آیا۔
حادثے کے شکار سبھی سات لوگ آٹو رکشا پر سوار تھے۔ اس حادثے میں گڑیا (40) کی موت ہوگئی جبکہ رام (55)، برجو (65) اور رام لکھن (32) شدید طور سے زخمی ہوگئے۔ تین بچے معمولی طور سے زخمی ہوئے ہیں۔
انہوں نے بتایا کہ حادثے کے بعد موقع پر پہنچی پولیس نے زخمیوں کو فوراً وارانسی ڈویژن اسپتال میں داخل کرایا، جہاں ڈاکٹروں نے جانچ کے بعد گڑیا کو مردہ قرار دے دیا۔ برجو اور جئے رام کو ابتدائی علاج کے بعد بنارس ہندو یونیورسٹی کے ٹراما سینٹر میں منتقل کر دیا گیا ہے جہاں ان کا علاج چل رہا ہے۔
پولیس ذرائع نے بتایا کہ ڈرائیور آٹو میں سی این جی بھرا کر لوٹ رہا تھا کہ تیز رفتار مخالف سمت سے آرہی کار نے اسے ٹکر مار دی۔ حادثے کی وجوہات کی جانچ کی جارہی ہے۔ کار سوار کا پتہ لگایا جارہا ہے۔ حادثے میں کار کے پرخچے اڑ گئے۔
(یو این آئی)
