سمپوڑا نند سنسکرت یونیورسٹی سے ملحق دشاسومدھ گھاٹ پر واقع شاستری ڈگری کالج کی جانب سے گذشتہ دس برس سے سنسکرت کرکٹ میچ کا انعقاد کیا جاتا ہے جس کی کمینٹری سنسکرت میں ہوتی ہے۔
وزیراعظم نریندر مودی نے اپنے من کی بات میں اسپورٹس منسٹری سے مقامی زبانوں اور روایتوں کو فروغ دینے کے لیے بھی اپیل کی ہے۔ وزیر اعظم نریندر مودی نے بھارتی کھیلوں میں مقامی زبانوں میں کمینٹری کو فروغ دینے کی اپیل کی ہے۔ انہوں نے کہا ہے کہ' میں اسپورٹس وزارت اور اور نجی تنظیموں سے اس بارے میں تبادلہ خیال کرنے کی اپیل کرتا ہوں۔
وزیراعظم مودی نے اپنے من کی بات کے دوران ایک آڈیو کلپ بھی سنایا، جو بنارس کے سنسکرت ودھیالیہ کے مابین ہونے والے کرکٹ میچ کی سنسکرت زبان میں کمینٹری تھی۔ کمینٹری کرنے والے ڈاکٹر شش مشر نے ای ٹی وی بھارت سے خصوصی گفتگو میں کہا کہ 'وزیر اعظم نریندر مودی نے جس طرح سے اپنے من کی بات میں سنسکرت کمینٹری کا ذکر کرکے حوصلہ دیا ہے، وہ لائق تعریف ہے، اس سے نہ صرف کالج بلکہ یونیورسٹی اور سنسکرت زبان سے دلچسپی رکھنے والوں کے لیے بہت ہی خوش آئند پہلو ہے۔'
مزید پڑھیں: عائشہ نے خود کشی کیوں کی؟
انہوں نے کہا کہ' اگرچہ موجودہ دور میں سنسکرت زبان کم لوگ سیکھتے ہیں، لیکن سنسکرت میں کمینٹری سننے کے لیے دور دراز علاقوں سے لوگ آتے ہیں، سنسکرت قدیم اور وسیع زبان ہے اسے فروغ ملنا چاہئے۔ اب وزیراعظم خود اس جانب غور کر رہے ہیں اور یہی وجہ ہے کہ من کی بات میں سنسکرت کا ذکر کر رہے ہیں۔
انہوں نے کہا کہ' اس زبان کو تجارتی شعبے سے ملحق کرنے کے بعد زبان کی ترویج و اشاعت میں اضافہ ہوگا، امید ہے کہ ریاستی اور مرکزی حکومت اس جانب توجہ دیں گے۔
