ریاست اترپردیش کے ضلع مئو کے جمال پور کے باشندوں نے انتظامیہ کی نااہلی اور عدم توجہی سے پریشان ہوکر خراب سیور سسٹم کو چندہ کرکے دوبارہ تعمیر کرایا ہے۔
جمال پور کی یہ سیور لائن تقریبا سات سو میٹر پر پھیلی ہوئی ہے، جس کی مرمت کے لیے مقامی لوگوں نے آپس میں چندہ کیا، اپنی وسعت کے مطابق ہر ایک نے اپنی ذمہ داری ادا کی ور سیور سسٹم تیار کیا گیا۔ اگرچہ سیور لائن کا کچھ حصہ ابھی بھی خستہ حال ہی ہے لیکن گاؤں کے لوگوں کاکہنا ہے کہ وہ اسے بھی اپنی کوششوں سے بہت جلد مرمت کرالینگے۔
اس سے قبل گاؤں کے ذمہ داروں نے متعدد دفعہ اپنے مسئلے کو حل کرانے کے لیے درخواست بھی دی، کافی کوشش کے باوجود انتظامیہ نے کوئی مدد نہیں کی، جس کی وجہ سے پریشان گاوں والوں نے اس مسئلے سے نجات پانے کے لیے خود ہی ذمہ داری اٹھائی، تقریبا ڈیڑھ ہزار کی آبادی والے جمال پور کی بیشتر آبادی کا تعلق اقلیتی طبقے پر مشتمل ہے۔
