کورونا وائرس کے پیش نظر طالبات سے ہاسٹل خالی کرایا گیا

اترپردیش کے ضلع کشی نگر میں کورونا وائرس سے بچنے کے لئے احتیاطی طور پر پنڈت دین دیال اپادھیائے گرلس کالج میں طالبات سے ہاسٹل خالی کرالیا گیا ہے۔

کالج پرنسپل سمن شرما نے یہ فیصلہ محکمہ سماج فلاح و بہبود کی جانب سے موصول خط کی بنیاد پر کیا ہے۔کالج میں 370 طالبات زیر تعلیم ہیں۔ ڈائریکٹوریٹ سے ملے خط کے بعد طالبات کو اپنے گھر جانے کی ہدایت دے دی گئی ہیں۔

6 تا 12 ویں جماعت کے اس کالج میں چھ، سات، آٹھ، نو اور گیارویں جماعت کے امتحانات چل رہے ہیں۔ ابھی دو مضامین کے امتحانات باقی ہیں۔

اطلاع کے مطابق کالج اب 22 مارچ تک بند رہے گا۔ بیسک ایجوکیشن کونسل کے ٹیچرز کے لئے جاری پانچ روزہ ٹریننگ پروگرام کا پہلا مرحلہ پیر کو مکمل ہوگیا ہے۔ کورونا کی وجہ سے اگلے مرحلے کی ٹریننگ آئندہ حکم نامے تک کے لئے ملتوی کردی گئی ہیں۔