بنارس میں مسلسل کئی گھنٹے بارش ہونے کی وجہ سے متعدد علاقے زیر آب ہیں وہیں میونسپل کارپوریشن کی لاپرواہی بھی سامنے آئی ہے. وقت پر ترقیاتی کام مکمل نہ ہونے کی وجہ سے کئی علاقوں میں پانی جمع ہے اور عوامی زندگی شدید متاثر ہو رہی ہے.
اسی دوران آج کانگریس پارٹی کے ریاستی صدر اجے کمار للو نے بھی بنارس کا دورہ کیا، جس میں انہوں نے تاجر اور دیگر شہر کے ذمہ داروں سے بات چیت کی۔ انہوں نے دورے کے بعد وزیر اعظم پر تنقید کرتے ہوئے کہا کہ وزیر اعظم نریندر مودی کے پارلیمانی حلقہ بنارس کا یہ حال ہے تو اتر پردیش کے دیگر اضلاع کا کیا حال ہوگا؟ ترقی کے نام پر عوام کو دھوکا دیا گیا ہے۔ صرف فوٹو میں بنارس بنارس ہے۔ آج بارش ہوئی ہے تو متعدد علاقوں میں گاڑیاں بہہ رہی ہیں، وہیں بیشتر علاقوں میں کثیر مقدار میں پانی جمع ہے۔ لوگوں کا آنا جانا بھی متاثر ہے. انہوں نے کہا کہ اگر ترقی کا یہی گجرات ماڈل ہے تو اترپردیش کو گجرات ماڈل نہیں چاہیے۔
اجے کمار للو نے بنارس کے مختلف علاقوں کا دورہ کیا اس کے بعد پارٹی کے اعلی عہدے داروں کے ساتھ بھی بات چیت کی. امید کی جارہی ہے کہ آنے والا اسمبلی انتخابات 2022 کی تیاریوں کے حوالے سے بھی گفتگو ہوئی ہے.
اس موقع پر کانگریس پارٹی کے سینئر رہنما اجے رائے، راگویندر چوبے، راجیشور پاٹل، شفق عباس سمیت متعدد عہدے دار موجود رہے۔
