ضلع میں سیکڑوں کی تعداد میں مختلف شعبوں کے مزدوروں نے ایک بینر تلے ریلی نکالی جو ایم ایچ چوک سے شروع ہو کر مختلف راستوں سے ہوتے ہوئے باڈیا اسٹیشن پر ختم ہوا۔
متعلقہ ویڈیو
وہیں اس ریلی میں مزدوروں کے ساتھ کثیر تعداد میں لوگوں نے شرکت کی۔
ریلی میں شامل مزدوروں نے 134 سال پہلے دی گئی قربانی کو یاد کرتے ہوئے ان شہید مزدوروں کو خراج عقیدت پیش کیا۔
اس موقع پر ریلی میں شریک مزدوروں نے کہا کہ ہم شہید مزدوروں کی قربانیوں کو کبھی نہیں بھولیں گے۔
واضح رہے کہ امریکی مزدوروں نے یکم مئی 1886 میں بے روزگاری اور سرمایہ داروں کے مظالم کے خلاف ہڑتال کا اعلان کیا تھا جو مظاہرے تقریباً 4دن تک چلے تھے۔ اس دوران پولیس نے سرمایہ داروں کے حکم پر ہڑتالی مزدوروں پر اندھا دھند گولیاں چلادیں کثیر تعداد میں مزدور ہلاک ہوگئے تھے۔
