بیجبہاڑہ اننت ناگ میں مارے گئے اے ایس آئی محمد اشرف ساکن اونتی پورہ کو خراج عقیدت پیش کرنے کے لیے ڈسٹرکٹ پولیس لائنز اونتی پورہ میں ایک تقریب منعقد کی Wreath Laying Ceremony in Awantipora گئی۔
ڈی آئی جی ساؤتھ عبدالجبار نے پولیس اور نیم فوجی دستوں کے اعلیٰ افسران، سول انتظامیہ اور ہلاک پولیس اہلکار کے لواحقین کی قیادت میں انہیں خراج عقیدت پیش کیا۔ اس موقع پر مارے گئے پولیس اہلکار کی میت پر پھول چڑھائے گئے۔
ڈی آئی جی ساوتھ کے ساتھ ساتھ ایس ایس پی اونتی پورہ محمد یوسف سمیت دیگر سینیئر پولیس افیسران بھی موجود رہے۔ اس موقع پر رقت آمیز مناظر دیکھنے کو ملے۔
مزید پڑھیں:Firing on Police Personnel: بجبہاڑہ میں فائرنگ، پولیس اہلکار ہلاک
ہم آپ کو بتا دیں کہ محمد اشرف کو اس وقت گولیوں کا نشانہ بنایا گیا جب وہ سب ضلع ہسپتال کے قریب اپنی نجی کار میں سوار تھے۔ اس واقعہ کے بعد سکیورٹی فورسز نے علاقہ کو محاصرہ میں لے کر حملہ آوروں کی تلاش شروع کر دی۔
