صفاپورہ میں نصب سٹریٹ لائٹس ناکارہ، لوگ پریشان

وسطی کشمیر کے ضلع گاندربل کے صفاپورہ میں چند سال قبل مانسبل ڈیولپمنٹ اتھارٹی کی جانب سے گلی کوچوں اور بازار میں لاکھوں روپے خرچ کرکے سٹریٹ لائٹس نصب کی گئی ہیں لیکن تین برس کے اندر ہی یہ سٹریٹ لائٹس خراب ہوگئی جس کے سبب گلی کوچوں اور بازاروں میں شام ہوتے ہی اندھیرا چھایا رہتا ہے۔

مقامی لوگوں کے مطابق علاقے میں نصب کی گئی سٹریٹ لائٹس کے خراب ہونے کے سبب انہیں شام کے وقت گھروں سے باہر نکلنے میں خوف محسوس ہوتا ہیں کیونکہ گلی،نکڑ اور بازاروں میں رات کے اوقعات میں آوارہ کتوں نے ڈیرہ ڈالا ہے۔
وہیں تجارت پیشہ افراد نے بھی بازاروں میں نصب سٹریٹ لائٹس کے ناکارہ ہونے پر تشویش کا اظہار کیا ہے ان کے مطابق پہلے سٹریٹ لائٹس ٹھیک چل رہی تھی لیکن جب سے ان میں ایل ای ڈی لمپ لگائی گئے تب سے یہ ناکارہ ہو چکی ہے ۔

واضح رہے پچھلے چند روز سے بازار میں دوران شب نقب زنوں کی سرگرمیاں دکھائی دے رہی ہیں جن کی تصویریں سی سی ٹی وی میں ریکارڈ کی گئیں جس کی وجہ سے تجارت پیشہ افراد میں تشویش کی لہر دوڑ گئی ہے۔

مقامی دکانداروں نے انتطامیہ سے مطالبہ کیا کہ بازار میں نصب کی گئی سٹریٹ لائٹس کو فوری طور پر ٹھیک کیا جائے،تاکہ انہیں درپیش مشکالات کا ازالہ ہو جائے۔