Grenade Attack: سرینگرمیں سی آر پی ایف پارٹی پر گرینیڈ حملہ

سرینگر میں نامعلوم عسکریت پسندوں نے گرینیڈ حملہ کیا ہے۔ عسکریت پسندوں نے سی آر پی ایف کی پارٹی کو نشانہ بناتے ہوئے گرینیڈ پھینکے تاہم گرینیڈ سی آر پی ایف پارٹی سے کچھ دوری پر گرا اور پھٹ پڑا۔

سی آر پی ایف کے پبلک ریلیشن آفیسر ابھیرام نے ای ٹی وی بھارت کو بتایا کہ باری پورہ عید گاہ کے قریب نامعلوم عسکریت پسندوں نے سی آر پی ایف کی 161 بٹالین پارٹی کو حملے کا نشانہ بنانے کی کوشش کی تاہم خوش قسمتی سے گرینیڈ کچھ دوری پر جاگرے اور کوئی بھی جانی نقصان نہیں ہوا۔ انہوں نے کہا کہ علاقے کو سکیورٹی فورسز نے محاصرے میں لے لیا ہے اور عسکریت پسندوں کی تلاش جاری ہے۔

اس ضمن میں مزید تفصیلات کا انتظار ہے۔