سری نگر: جموں وکشمیر پولیس نے شوپیاں میں لشکر طیبہ کے ایک مبینہ عسکریت پسند کو اسلحہ و گولہ بارود سمیت حراست میں لینے کا دعویٰ کیا ہے۔ hybrid Militant Arrested in Shopian
پولیس کے ایک ترجمان نے بتایا کہ عسکریت پسندوں کی موجودگی کی اطلاع موصول ہونے کے بعد 44 آر آر، 178بٹالین سی آر پی ایف اور جموں وکشمیر پولیس نے پیٹرولنگ کے دوران ایک مبینہ عسکریت پسند کو گرفتار کیا ہے۔ پولیس کے مطابق گرفتار عسکریت پسند کی شناخت یاور احمد پڈر ولد علی محمد پڈر ساکن ہف زینہ پورہ کے بطور ہوئی ہے۔
یہ بھی پڑھیں: Two hybrid militants arrested دو ہائیبرڈ عسکریت پسند گرفتار
پولیس کے مطابق تلاشی کے دوران مبینہ عسکریت پسند کے قبضے سے ایک پستول، بارہ گولیاں اور دیگر قابل اعتراض مواد برآمد کرکے ضبط کیا گیا۔ انہوں مزید بتایا کہ اس سلسلے میں زینہ پورہ پولیس اسٹیشن میں کیس درج کرکے مزید تحقیقات شروع کی گئی۔
یو این آئی
