Waterlogging After Snowfall: سرینگر میونسپل کارپوریشن کی بے توجہی کے سبب ہمدانیہ کالونی اور شالٹنگ علاقے کی سڑکیں زیر آب

سرینگر کے بمنہ علاقے کی ہمدانیہ کالونی کی سڑکیں اور گلیاں سیلابی صورتحال پیش کر رہی ہیں۔ مقامی لوگوں کا کہنا ہے کہ انتظامیہ کی جانب سے گرچہ اس کالونی میں سڑکیں تعمیر کی گئی ہیں۔ لیکن پانی کی نکاسی کے لیے ڈرینیج سسٹم کا کوئی انتظام نہیں ہے۔ یہی حال سرینگر کا مضافاتی علاقہ شالٹنگ کا ہے جہاں لوگ گزشتہ دنوں ہوئی برفباری سے اب بھی پریشان ہیں۔ waterlogging After Snowfall

وادی کشمیر میں برفباری اور بارش اگرچہ شعبہ زراعت اور کاشتکاری کے لیے باعث رحمت ہے، لیکن سرینگر کی کچھ بستیوں کے لیے یہ مصیبت سے کم نہیں۔ waterlogging After Snowfall

شہر سرینگر کے بیشتر علاقے ایسے ہیں جہاں پانی جمع ہونے سے لوگوں کو کافی مشکلات سے دوچار ہونا پڑتا ہے۔ شہر کے نشیبی علاقے بارش یا برفباری کے بعد سیلابی علاقوں میں بدل جاتے ہیں۔ جس سے وہاں کے لوگوں کا چلنا پھرنا یا گھروں سے باہر نکلنا مشکل ہوجاتا ہے۔ waterlogging After Snowfall

سرینگر کے بمنہ علاقے کی ہمدانیہ کالونی کی سڑکیں اور گلیاں سیلابی صورتحال پیش کر رہی ہیں۔ مقامی لوگوں کا کہنا ہے کہ انتظامیہ نے اس کالونی میں سڑکیں تعمیر کی گئی ہیں۔ لیکن پانی کی نکاسی کے لیے ڈرینیج سسٹم کا کوئی انتظام نہیں ہے۔ ان کا کہنا ہے کہ سال بھر علاقے میں پانی جمع رہتا ہے جس سے ان کا گھروں سے نکلنا مشکل ہوجاتا ہے۔

یہی حال سرینگر کا مضافاتی علاقہ شالٹنگ کا ہے جہاں لوگ گزشتہ دنوں ہوئی برفباری سے اب بھی پریشان ہیں۔ لوگوں کے گھرون کی صحن اور سڑکیں زیر آب ہیں، ان کا کہنا ہے کہ ان کو گھروں سے نکلنا مشکل ہورہا ہے۔ یہ بستیاں تجارتی مرکز لالچوک سے 10 کلومیٹر کی دوری پر ہی واقع ہیں اور ان کی تعمیر و ترقی سرینگر میونسپل کارپوریشن کی زیر انتظام ہے۔

اگرچہ لوگ اپنے مکانات تعمیر کرانے کے وقت کارپوریشن کو فیس ادا کرتے ہیں، لیکن کارپوریشن ان کو کوئی سہولیات فراہم نہیں کررہی ہے۔ ان بستیوں کے لوگوں کو اب یہ پریشانی لاحق ہے کہ ان کے بچے اسکول کس طرح جاسکیں گے، کیونکہ گلیوں اور سڑکوں پر سیلابی صورتحال ہے۔ مقامی لوگوں کا کہنا ہے کہ انہوں نے سرینگر میونسپل کارپوریشن سے بارہا رجوع کرکے اپنے مطالبات سامنے رکھے، لیکن ان کے مشکلات کا ازالہ نہیں کیا گیا۔