بی جے پی نے جموں کشمیر کے خصوصی درجے کی ضامن دفعہ 370 کے حوالے سے اپنے انتخابی منشور میں کہا ہے کہ ہم جن سنگ کے دور سے دفعہ 370 کو ہٹانے کے عزم پر قائم ہیں۔
بی جے پی کے منشور پر سیاسی پارٹیوں کا سخت ردعمل
بی جے پی اپنے اس انتخابی منشور میں دفعہ35اے اور370 کو ہٹانے پر یہ دلیل دی ہے کہ جموں و کشمیر کی تعمیر و ترقی کی راہ میں ان دفعات سے کئی رکاوٹیں حائل ہیں۔
بی جے پی کے اس انتخابی منشور کے تعلق سے ریاست کی مختلف سیاسی پارٹیوں کی جانب سے شدید رد عمل ظاہر کیا جا رہا ہے۔
ان مختلف سیاسی پارٹیوں کا کہنا کہ بی جے پی آگ سے کھیلنےکی کوشش نا کرے اورجس دن ریاست کے تشخص سے چھیڑ چھاڑ ہوگئی اس دن ریاست کا بھارت کے ساتھ الحاق ختم ہوجاتا ہے۔
