کچھمولہ میں اندرونی رابطہ سڑک کی تعمیر کے لیے ترال کی آبادی نے خاموش احتجاج کیا اور اپنی بات انتظامیہ تک پہنچانے کی کوشش کی۔
سڑک کی تعمیر کے لیے احتجاج
مقامی لوگوں کے مطابق سال 2006 کے دوران اس سڑک پر آر اینڈ بی نے باجری بچھائی تھی اور اس کے بعد سے یہ سڑک ابھی تک ویسی ہی ہے حتی کہ سڑک انتہائی خستہ ہو چکی ہے جس کے سبب لوگوں کو کافی مشکلات کا سامنا کرنا پڑتا ہے۔
سڑک کی خراب حالت کے بعد مقامی لوگوں نے احتجاج کرتے ہوئے جموں و کشمیر انتظامیہ سے مطالبہ کیا کہ جلد از جلد سڑک تعمیر کروائی جائے تاکہ انہیں پریشانیوں سے چھٹکارا ملے۔
احتجاج میں شامل غلام قادر نامی شخص نے بتایا کہ 'اس سڑک کی بہت پہلے مرمت کی گئی تھی اور اس کے بعد سے متعلقہ حکام نے اس جانب آج تک توجہ نہیں دی جس کی وجہ سے سڑک پر گاڑیوں کی آمد ورفت متاثر ہو رہی ہے جبکہ لوگ پیدل چل نہیں سکتے۔
