تنخواہ نہ ملنے سے ملازمین پریشان

محکمہ پی ایچ ای میں کام کرنے والے ڈیلی ویجرز کیجول لیبرز اور ورکرز نے بارش کے باوجود انتظامیہ کے خلاف احتجاج کیا۔

ریاست جموں و کشمیر کے دار الحکومت سرینگر میں محکمہ پی ایچ ای سے وابستہ ملازمین حکومت کی عدم توجہی و تنخواہ کی عدم ادائیگی کے سبب پریشان ہیں۔
ہزاروں خاندان فاقہ کشی اور ذہنی دباو کے شکار ہوچکے ہیں اور عارضی ملازمین اپنے بچوں کی فیس تک نہیں ادا کر پارہے ہیں جس کی وجہ سے انکو اسکولوں سے نکالا جارہا ہے۔ حکومت خاموش تماشاہی بنی ہوئی ہے
احتجاج کے دوران مظاہرین کے ہاتھوں میں پلے کارڈس بھی تھے جس پر ہمارے ساتھ انصاف کرو جیسے نعرے لکھے ہوئے تھے۔

کیجول ملازمین کمیٹی کے ریاستی صدر نے کہا کہ سرکار نے پی ایچ ای کے عارضی ملازمین کے مطالبات کے حوالے سے ایک اعلیٰ سطی کمیٹی پرنسپل سیکٹری پلانگ روہت کنسل کی سربراہی میں تشکیل دی تھی مگر ستم ظریفی تو یہ ہے کہ چار ماہ گذر جانے کے بعد بھی کمیٹی رپورٹ پیش کرنے سے قاصر رہی نتیجہ ہزاروں خاندانوں کے ساتھ مذاق کیا جارہا ہے ۔اس دوران گورنر کو خبر دارر کرتے ہوے ایسوسشن سے وابستہ ملازمین نے کہا کہ اگر ٢۵ جولای تک ہمارے تمام مطالبات پورے نہیں کیے گئے تو ملازمین ہمہ گیر احتجاج کرینگے۔