جنوبی کشمیر کے ضلع شوپیان میں تیز رفتار گاڑی نے پولیس اہلکار کو ٹکر مار کر شدید زخمی کردیا۔ جس کے بعد پولیس اہلکار زخموں کی تاب نہ لاتے ہوئے دم توڑ دیا۔
تفصیلات کے مطابق شوپیان ضلع کے بندپاوہ چتراگام علاقے کے رہنے والا پولیس اہلکار زادل احمد بٹ کو گزشتہ شام اپنے آبائی علاقے میں ایک تیز رفتار گاڑی نے ٹکر ماردی جس کی وجہ سے وہ شدید طور پر زخمی ہوگیا۔
پولیس اہلکار زادل احمد بٹ کو اگرچہ فوری طور پر نزدیکی ہسپتال منتقل کیا گیا تاہم ڈاکٹروں نے اس کی نازک حالت دیکھ کر اسے سرینگر کے ایس ایچ ایم ایس ہسپتال منتقل کیا، جہاں اس نے آج دوپہر زخموں کی تاب نہ لاتے ہوئے دم توڑ دیا۔
یہ بھی پڑھیں: شوپیان: آنگن واڑی کارکنان اور کسان خواتین کیلئے تربیتی پروگرام کا انعقاد
پولیس اہلکار کی شناخت زادل احمد بٹ ولد بشیر احمد بٹ ساکن بندپاوہ چتراگام کے بطور ہوئی ہے۔
اس سلسلے میں کیس درج کرکے تحقیقات شروع کردی گئی ہے۔
