مرکز کے زیر انتظام خطہ جموں و کشمیر کے ضلع ڈوڈہ کی تحصیل کاستی گڑھ میں ہفتہ اور اتوار کی درمیانی شب ایک ٹیمپو گاڑی حادثہ کا شکار ہوگئی، جس کے نتیجہ میں ایک شخص کی موت ہوگئی،تفصیلات کے مطابق یہ سڑک حادثہ کاستی گڑھ گاگلہ سڑک پر بنزل کے مقام پرپیش آیا،جب ٹیمپوکاستی گڑھ سے گاگلہ کی طرف جارہی تھی، بتایاجارہا ہے کہ کہ ڈرائیور کے توازن کھو دینے کے سبب یہ حادثہ پیش آیا۔ جس کے نتیجہ میں ڈرائیور کی موت ہوگئی۔
- مزید پڑھیں:ڈوڈہ: سڑک حادثہ میں پانچ افراد ہلاک
اس سڑک حادثہ میں ہلاک ہونے والے شخص کی شناخت راکیش کمار ولد ہنس راج سکنہ شامٹھی کاستی گڑھ کے طور ہوئی ہے۔پولیس نے اس سلسلے میں معاملہ درج کرکے تحقیقات شروع کر دی ہے۔
