محبوبہ مفتی نے کہا :' ماہ رمضان عبادت کرنے کا مہینہ ہے اور میں مرکز اور عسکریت پسندوں سے اپیل کرتی ہوں کہ وہ اس ماہ کے دوران کسی قسم کی کاروائی نہ کرے۔
سرینگر میں ایک پریس کانفرنس کے دوران کہا :' رمضان کا مہینہ آنے والا ہے اور لوگ مسجدوں میں جائیں گے اور دن رات عبادت میں مشغول رہیں گے اور گزشتہ برس کی طرح مرکزی حکومت کریک ڈاؤن، سرچ آپریشن کو روک لے، جس کی وجہ سے جموں و کشمیر کی عوام کم ازا کم یہ ماہ راحت میں گزار سکے۔
انہوں نے عسکریت پسندوں سے بھی اپیل کی کہ ماہ مبارک کے مہنے میں وہ کسی طرح کا حملہ نہ کریں.
گزشتہ برس مرکزی حکومت کی جانب سے ماہ رمضان کے دوران جنگ بندی کا اعلان کرنے کے بعد وادی میں کوئی تصادم پیش نہیں آیا۔
واضح رہے کہ بھارت اور پاکستان کی حکومتوں کے درمیان جموں و کشمیر کے علاقے میں جنگ بندی کا ایک معاہدہ 2003ء میں طے پایا تھا۔
