جموں وکشمیر کے لیفٹیننٹ گورنر کے مشیر فاروق احمد خان نے ضلع پلوامہ میں قائم فروٹ منڈی کا دورہ کیا۔ جہاں انہوں نے فروٹ گروورس اینڈ ڈیلرز ایسوسی ایشن کے دفتر کا افتتاح کرکے ان کے ساتھ ایک میٹنگ بھی منقعد کی۔
فروٹ گروورس اینڈ ڈیلرز ایسوسی ایشن پلوامہ (Fruit Growers and Dealers Association Pulwama) نے مشیر فاروق احمد خان کو اپنے درپیش مشکلات کے بارے میں آگاہ کیا جس کے بعد مشیر نے ان کے مسائل کو ترجیحی بنیادوں پرحل کرنے کی یقین دہانی کی۔
اس موقع پر ان کے ہمراہ ضلع ترقیاتی کمشنر پلوامہ بصیر الحق چودھری، ڈائریکٹر ایگریکلچر اینڈ ڈائریکٹر ہارٹیکلچر کے علاوہ ایس پی پلوامہ بھی اس موقع پر موجود رہے۔
وہیں لیفٹیننٹ گورنر کے مشیر فاروق احمد خان (Farooq Ahmed Khan) نے ڈی سی دفتر میں ضلع پلوامہ کے تمام بی ڈی سی ممبران و ڈی ڈی سی ممبران کے ساتھ ساتھ سرپنچوں کے ساتھ بھی میٹنگ کی۔
یہ بھی پڑھیں:
اس موقع پر مشیر فاروق احمد خان نے بات کرتے ہو کہا کہ 'ضلع پلوامہ کی فروٹ منڈی کو بھارت کی سب سے بہترین منڈی بنائی جائے گی۔'
انہوں نے کہا کہ 'فروٹ گروورس اینڈ ڈیلرز ایسوسی ایشن پلوامہ نے جو بھی فروٹ منڈی کو لے کر مشکلات سامنے رکھے ان کو جلد ہی حل کیا جائے گا۔ جس کے لیے انتظامیہ اور فروٹ گروورس اینڈ ڈیلرز ایسوسی ایشن پلوامہ مل کر کام کرے گی۔'
