وسطی کشمیر کے مختلف علاقوں میں ان دنوں تیندوے کھلے عام گھوم رہے ہیں۔ بڈگام کے مختلف علاقوں کے ساتھ ساتھ اب تیندوے سرینگر شہر کے مضافات میں بھی کھلے عام گھومتے ہوئے دکھائی دیے۔ بمنہ کے نندریشی کالونی میں آج شام مقامی لوگوں نے ایک تیندوے کو دیکھا، جس کے بعد علاقے میں دہشت کا ماحول پیدا ہو گیا۔
سرینگر کے بمنہ میں تیندوا نمودار
مقامی لوگوں نے محکمہ وائلڈ لائف کو اس کی اطلاع دی جس کے بعد محکمہ نے علاقے میں تیندوے کی تلاش شروع کر دی۔
مزید پڑھیں:پلوامہ میں تیندوے کو پکڑ لیا
ہم آپ کو بتا دیں جموں و کشمیر کے مختلف اضلاع میں تیندوے مقامی بستیوں کا رخ کر رہے ہیں۔ محکمہ وائلڈ لائف نے اگرچہ کچھ تیندووں کو پکڑ بھی لیا لیکن بیشتر تیندوے محکمہ کے اہلکاروں کو چکمہ دینے میں کامیاب ہوئے۔
لوگوں کے مطابق محکمہ وائلڈ لائف تیندوں کو پکڑنے میں ناکام ہوا ہے۔
