گاندربل: جموں و کشمیر کے ضلع گاندربل میں گزشتہ ہفتے نامعلوم عسکریت پسندوں کی جانب سے کشمیری پنڈت راہل بھٹ کی ہلاکت پر کشمیری پنڈتوں نے موم بتیاں جلا کر احتجاج کیا۔ کشمیری پنڈت گاندربل ضلع کے تولہ مولہ نامی علاقہ میں اپنی برادری کے ایک فرد کے قتل کے خلاف موم بتیاں جلا کر احتجاج کے لیے جمع ہوئے۔ Candlelight Protest Over Killing Of Rahul Bhat۔ مظاہرین اپنے ہاتھوں میں راہل بھٹ کی تصاویر لیے ہوئے تھے، واضح رہے کہ راہل بھٹ کو 12 مئی کو ضلع بڈگام کے چاڈورہ میں ان کے دفتر کے اندر نامعلوم عسکریت پسندوں نے گولی مار کر ہلاک کر دیا تھا۔ Rahul Bhatt Murder
مظاہرین کا کہنا ہے کہ ہمیں افسوس ہے کہ ہم مسلسل احتجاج کر رہے ہیں اور شرم کی بات ہے کہ ڈپٹی کمشنر گاندربل ہمارے پاس اب تک نہیں آۓ، یہ قابل افسوس ہے۔ انہوں نے ایک مرتبہ پھر سے اپنا یہ مطالبہ دہرایا ہے کہ ہمارے ساتھ انصاف کیا جائے، تاکہ ہم بھی بے خوف ہوکر اپنی زندگی گزار سکیں۔
