جموں و کشمیر میں نوکری پر کس کا حق ہوگا؟

سطح چار (کلاس فورتھ) میں جونیئر اسسٹنٹ، کانسٹیبل جیسی پوسٹس شامل ہیں، جو گیذٹڈ پوسٹس کی سب سے نچلے درجے کی سمجھی جاتی ہیں۔ اس کا مطلب یہ ہے کہ جموں و کشمیرکے رہائشیوں کو کلاس فورتھ اور نان گیذٹڈ پوسٹس پر خصوصی حقوق حاصل ہوں گے۔

جموں و کشمیر کی خصوصی حیثیت کو منسوخ کرنے کے تقریباً آٹھ ماہ بعد مرکزی حکومت نے ایک نوٹیفیکشن جاری کیا ہے جس کے مطابق جموں کشمیر کے نچلے درجہ کے سرکاری (نان گیذٹڈ) عہدوں پر خطے کے باشندوں کا حق ہوگا۔

نئے قانون کے تحت نان گیذٹڈ درجہ کی ملازمتوں کو خصوصی طور پر ان لوگوں کے لئے مختص کیا گیا ہے جنہوں نے جموں و کشمیر میں 15 سال تک رہائش اختیار کی ہے اور تمام مرکزی سرکاری ملازمین کے بچے جنہوں نے جموں و کشمیر میں دس سال کی مدت تک خدمات انجام دیں ہیں۔

سطح چار (کلاس فورتھ) میں جونیئر اسسٹنٹ، کانسٹیبل جیسی پوسٹس شامل ہیں، جو گیذٹڈ پوسٹس کی سب سے نچلے درجے کی سمجھی جاتی ہیں۔ اس کا مطلب یہ ہے کہ جموں و کشمیرکے رہائشیوں کو کلاس فورتھ اور نان گیذٹڈ پوسٹس پر خصوصی حقوق حاصل ہوں گے۔

قابل ذکر ہے کہ اب سے جموں و کشمیر میں سبھی گیذٹڈ اور دیگر نان گیذتڈ پوسٹس کے لیے بھارت کے دیگر ریاستوں کے افراد بھی اہل ہونگے۔

متعلقہ قانون نے اپنے علاقائی دائرہ اختیار میں تحصیلداروں کو ڈومیسائل سرٹیفکیٹ جاری کرنے کا اختیار دیا ہے۔ ریاست جموں و کشمیر یوٹی کی حکومت کو یہ اختیار بھی دیا گیا ہے کہ وہ کسی دوسرے افسر کو مقرر کر کے ڈومیسائل سرٹیفکیٹ اجراء کرنےکا اختیار دے۔