سرینگر: لیفٹیننٹ گورنر منوج سنہا کی صدارت میں منعقدہ انتظامی کونسل (اے سی) نے جمعہ کو 'آزادی کا امرت مہوتسو' کی تقریبات کے تحت اسکولز، سڑکوں اور تاریخی عمارتوں کو شہیدوں اور ممتاز شخصیات کے نام پر رکھنے کی منظوری دی۔ لیفٹیننٹ گورنر کے مشیر راجیو رائے بھٹناگر، جموں و کشمیر کے چیف سکریٹری ڈاکٹر ارون کمار مہتا اور لیفٹیننٹ گورنر کے پرنسپل سکریٹری نتیشوار کمار نے میٹنگ میں شرکت کی۔ AC approves renaming of public institutions after martyrs
مرکز کے زیر انتظام علاقے کی سلامتی اور ترقی میں غیر معمولی شراکت کے احترام اور اعتراف کے طور پر شناخت شدہ اداروں کا نام جموں و کشمیر کے شہیدوں اور لیجنڈز کے نام پر رکھا جائے گا۔
جموں صوبے میں اداروں کا نام شہید کانسٹیبل راجندر کمار، شہید کانسٹیبل راج کمار، شہید کانسٹیبل نصیب سنگھ، شہید ایس پی او جلال الدین، شہید کانسٹیبل شمیم احمد، شہید ہیڈ کانسٹیبل رگھو ناتھ، شہید سپاہی جوگندر سنگھ، شہید حوالدار سرتول سنگھ، شہید کانسٹیبل راج کمار، اور شہید کانسٹیبل جگ دیو سنگھ کے نام پر رکھا جائے گا۔
یہ بھی پڑھیں: جموں کے سرکاری اسکولوں کا نام شہداء کے نام پر رکھا جائے گا
اسی طرح کشمیر صوبے میں اداروں کا نام آنجہانی سروانند کول پریمی، شہید ریاض احمد لون، شہید محمد سفیر خان، شہید پیرا ٹروپر شبیر احمد ملک، شہید ریفلمیں عبدالحمید چرا، شہید ہیڈ کانسٹیبل عبدالرشید کالس، شہید سینئر گریڈ کانسٹیبل غلام مصطفیٰ بارہ اور شہید ہیڈ کانسٹیبل سراز احمد کے نام پر رکھا جائے گا۔
