’امام حسینؓ کی شخصیت صوفیوں کی نظر میں‘ کے عنوان کے تحت حسینی کانفرنس کو جموں و کشمیر پیپلز جسٹس فرنٹ کی جانب سے منعقد کیا گیا۔ پروگرام کا مقصد پیغام حسینی اور کربلا کے مقصد سے لوگوں کو واقف کرانا تھا۔ کانفرنس میں شیعہ اور سنی علمائے کرام نے شہادت امام حسینؓ کے علاوہ سیرت پر روشنی ڈالی اور لوگوں کو حسینؓ کے بتائے ہوئے راستہ پر چلنے کی تلقین کی۔
کانفرنس میں پیپلز جسٹس فرنٹ کے چیئرمین و معروف عالم دین و اسلامی اسکالر آغا سید عباس رضوی نے مہمان خصوصی کی حیثیت سے شرکت کی جبکہ علامہ مختار حسین جعفری نے صدارت کی۔ وہیں مولانا پیر زادہ شفاعت نے مہمان ذی وقار کی حیثیت سے پروگرام میں شرکت ہوئے۔
مزید پڑھیں:
پروگرام کے دوران مقررین نے لوگوں کو آپسی ہم آہنگی اور بھائی چارہ کو برقرار رکھنے کی تلقین کی۔ مقررین نے عوام کو امام حسینؓ کے پیغام کو اپنانے اور امن و امان کا راستہ اختیار کرنے کی اپیل کی۔
