جموں وکشمیر میں قائم پرائیوٹ اسکولوں میں زیر تعلیم طلبہ کی فیس کا تعین کرنے والی فیس فیکزیشن اینڈ ریگولیشن کمیٹی ( ایف ایف آر سی) نے سرینگر کے ایک پرائیوٹ اسکول ٹائنی ہارٹز میں بدانتظامی کا سخت نوٹس لیتے ہوئے ایک تاریخی فیصلے میں حکومت سے کہا ہے کہ وہ مذکورہ نجی تعلیمی ادارے کا نظم ونسق اپنے تحویل میں لینے کے لیے اقدامات کرے تاکہ اسکول میں زیر تعلیم طلبہ کے تعلیمی مستقبل کو بچایا جاسکے۔
فیکزیشن کمیٹی نے ٹنگہ پورہ میں واقع ٹائنی ہارٹز پرائیوٹ اسکول میں زیر تعلیم طلبہ کے والدین کی جانب سے کئی شکایات موصول ہوئی تھی، جن کو زیر غور لاکر کمیٹی نے یہ احکامات صادر کئے ہیں۔ حکمنامے میں پرنسل سیکرٹری اسکول ایجوکیشن محکمے کو مطلع کیا گیا ہے کہ وہ ٹائنی ہارٹز نامی اسکول کے لیے ایک منظم ایڈمنسٹریٹر کو تعینات کریں تاکہ اسکول میں زیر تعلیم تقریباً ایک ہزار طلبہ کا مستقبل بچایا جا سکے۔
مزید پرھیں:
مظفر عطاری نے مذکورہ اسکول میں بد انتظامی کے بارے میں کئی انکشافات کئے ہیں۔ جس میں غیر قانونی طور بچوں سے ایڈمیشن فیس وصولنے، اسکول میں طلبہ اور سٹاف کے لئے کوئی قابل اطمینان سہولیت دستیاب نہ ہونے اور کلاس رومز کی حالت ناگفتہ بہہ ہونے کے علاوہ دیگر انکشافات بھی کئے گئے ہیں۔
