کشمیر زون پولیس کے انسپکٹر جنرل وجے کمار کا کہنا ہے کہ پنچ اور سرپنچ عسکریت پسندوں کے لیے آسان ٹارگیٹ ہیں۔ انہوں نے کہا کہ 'جن پنچوں اور سر پنچوں کو زیادہ خطرات لاحق ہیں ان کو سرینگر اور ضلع صدر مقامات پر محفوظ رہائش گاہیں فراہم کی گئی ہیں۔ آئی جی پی نے ان باتوں کا اظہار ٹائیگور ہال میں منعقدہ ایک تقریب کے دوران کیا'۔ IGP Kashmir on Sarpanch Killings
انہوں نے کہا کہ 'پنچ وسرپنچ سافٹ ٹارگیٹ رہتے ہیں، جن کو زیادہ خطرات لاحق ہیں، ان کو سرینگر اور ضلع صدر مقامات پر محفوظ رہائش گاہیں فراہم کی گئی ہیں'۔
کولگام میں سرپنچ کو مارنے کے واقعے کو افسوس ناک قرار دیتے ہوئے ان کا کہنا تھا کہ 'ہلاک سرپنچ پولیس کو مطلع کیے بغیر گھر گیے ہوئے تھے، جنرل وجےکمار نے کہاکہ 'تمام پنچوں وسرپنچوں کو تحفظ فراہم کرانے کے لیے مزید اقدامات کیے جارہے ہیں'۔
بتادیں کہ کولگام کے آڈورہ علاقے میں جمعہ کی شب مشتبہ عسکریت پسندوں نے شبیر احمد میر نامی ایک سرپنچ کو گولی مار کر ہلاک کردیا تھا، جس کے بعد انتطامیہ نے پنچوں وسرپنچوں کی حفاظت کے تعلق سے یہ اقدامات اٹھائے ہیں۔
