گریف ہیڈ کواٹر سے محض تین سو میڑ دور پر واقع کیول موڑ کے مقام پر تین ماہ قبل مبلہ گرنے سے سڑک کا ایک حصہ مکمل طور پر بند ہے۔ گریف انتظامیہ کی جانب سے ملبہ نہ ہٹانے سے لوگوں کو سخت مشکلات کا سامنا کرنا پڑ رہا ہے۔
جموں کشمیر پیپلز ڈیموکریٹک پارٹی کے ضلع نائب صدر محمد فاروق انقلابی نے میڈیا سے بات کرتے ہوئے کہاکہ گریف کے ملازمین کی لاپرواہی کی وجہ سے کئی لوگوں کی گاڑیوں کو نقصان ہو رہا ہے اور اِس پسی کی وجہ سے کوئی بڑا حادثہ بھی پیش آسکتا ہے۔'
اُنہوں نے کہا کے محکمہ گریف کچھ مہینوں سے بہت ہی لاپرواہی سے کام کر رہا ہے، جِس کا خمیازہ عام لوگوں کو بھگتنا پڑ رہا ہے۔'
فاروق انقلابی نے کمانڈنگ آفیسر بُدھل سے سوال پوچھا کے سڑک سے ملبہ ہٹانے کے لیے کیا انہیں مرکزی حکومت سے اجازت لینے کی ضرورت ہے یا کے محکمہ گریف کے پاس فنڈز کی کمی ہے۔ اُنہوں نے کہا کہ اگر گریف کے پاس فنڈز کی کمی ہے تو وہ چندہ کرکے گریف پسی ہٹانے کے لیے پیسے دے سکتے ہیں۔'
فاروق انقلابی نے کہاکہ اگر دو دن کے اندر کیول کے مقام پر پسی نہ ہٹائی گئی تو وہ عوام کو ساتھ رکھ کر احتجاج کریں گے اور ضرورت پڑنے پر عدالت کا دروازہ بھی کھٹکھٹائیں گے۔'
