تفصیلات کے مطابق بدھ کی شام ساڑھے چھ بجے فوج کی23 پیرا ایس آو جی شوپیان اور سی آر پی ایف اہلکاروں نے بدرہامہ میں مشترکہ طور پر عسکریت پسندوں کی چھپے ہونے کی مصدقہ اطلاع ملنے پر علاقے کو محاصرے میں لے لیا تھا۔
اسی دوران عسکریت پسندوں نے سکیورٹی فورسز پر فائرنگ کی فورسز نے بھی جوابی کاروائی کی۔تھوڑی دیر فائرنگ کا تبادلہ جاری پھر تھم گیا۔
فائرنگ کے تبادلے کے دوران مزید سکیورٹی فورسیز کو تعینات کیا گیا جنہوں نے پورے علاقے کو سخت ترین محاصرے میں لیا۔
رات بھر محاصرہ جاری رہا جو آئندہ روز دن کے قریب 5 بجے ختم ہوا۔فائرنگ کے تبادلے اور 24 گھنٹے کے محاصرے کے بعد فورسز کو خالی ہاتھ واپس لوٹنا پڑا۔
اس دوران یہ افواہ بھی تھی کہ ایک عسکریت پسند کو ہلاک کر دیا گیا ہے تاہم موقع سے کسی بھی عسکریت پسند کی لاش نہیں ملی۔
ضلع شوپیان میں بدھ کے روز ہی موبائل انٹرنیٹ خدمات کو معطل کر دیا گیا ہے۔
ادھر قصبہ شوپیان کے علاوہ زوورہ، دیگام، بدرہامہ،تولی ہالن،ناگبل،اور لمنیمرگ شوپیان کے تمام اسکولوں کو آج بند کردیا گیا تھا۔
