بارہمولہ انکاؤنٹر میں ایک عسکریت پسند ہلاک، تصادم جاری

شمالی کشمیر کے ضلع بارہمولہ میں عسکریت پسندوں اور حفاظتی اہلکاروں کے مابین جاری تصادم میں ایک عسکریت پسند ہلاک ہو گیا ہے۔

شمالی کشمیر میں ضلع بارہمولہ کے کریری، سالوسہ علاقے میں ہفتہ کی صبح شروع ہوئے تصادم میں ایک عسکریت پسند کے ہلاک ہونے کی اطلاع ہے۔ تاہم تصادم ابھی جاری ہے۔

ذرائع کے مطابق فوج کو علاقے میں عسکریت پسندوں کے چھپے ہونے کی خفیہ اطلاع موصول ہوئی جس کے بعد فوج کی 52 آر آر اور جموں و کشمیر پولیس اور سی آر پی ایف کی ٹیم نے مشترکہ طور پر علاقے کو محاصرے میں لے کر تلاشی مہم شروع کی۔ اس دوران چھپے عسکریت پسندوں نے فورسز پر فائرنگ کی اور اس طرح فوج اور عسکریت پسندوں کے مابین تصادم شروع ہوا۔

تصادم میں اب تک ایک عسکریت پسند کے ہلاک ہونے کی اطلاع موصول ہوئی ہے۔ تاہم ہلاک ہوئے عسکریت پسند کی شناخت نہیں ہوئی ہے۔

علاقے کے سبھی خارجی و داخلی راستوں کو مکمل طور پر خار دار تاروں سے سیل کر دیا گیا ہے۔

مزید تفصیلات کا انتظار ہے۔