پنڈورنگ پولے نے ای ٹی وی بھارت سے بات کرتے ہوئے کہا کہ وادی میں کورونا وبا کو دیکھتے ہوئے عیدالاضحیٰ کی نماز کی اجازت نہیں دی جاسکتی۔ انہوں نے کہا کہ کورونا سے متعلق جاری ایس او پی اور تیسری لہر کے خدشات کو نظر میں رکھتے ہوئے عید کے موقع پر اجتماع کی اجازت نہیں ہوگی۔
یہ بھی پڑھیں: جموں و کشمیر میں 31 جولائی کے بعد اعلیٰ تعلیمی ادارے کھلنے کا امکان
جموں و کشمیر میں 21 جولائی کو عیدالاضحیٰ منائی جائے گی۔ کورونا وبا کی وجہ سے گذشتہ میں بھی عیدالفطر اور عیدالاضحیٰ کے موقع پر نماز ادا کرنے کی اجازت نہیں دی گئی تھی۔ اگرچہ کہ جموں و کشمیر میں نافذ لاک ڈاون میں نرمی کی گئی ہے۔ بازاروں کو کھول دیا گیا ہے اور آمد ورفت پر سے بھی پابندی کو ہٹا دیا گیا ہے تاہم تعلیمی ادارے اور مذہبی اجتماعات پر پابندی عائد ہے۔ عید کی نماز پر پابندی کی وجہ سے لوگوں میں شدید مایوسی پائی جاتی ہے۔
