ملک بھر سے ہر برس امرناتھ یاترا کے لیے کثیر تعداد میں لوگ کشمیر کا رخ کرتے ہیں۔
'نیشنل ہائی وے پر پابندی عائد نہیں ہے'
رواں برس میں پلوامہ حملے کے بعد سکیورٹی ایجنسیز نے کشمیر میں یاتریوں کی حفاظت کے مدنظر سکیورٹی کے سخت انتظامات کیے ہیں۔
یاتریوں کی حفاظت کے لیے تقریباً 50 ہزار سکیورٹی فورسز کے اہلکاروں کو تعینات کیا گیا ہے۔
واضح رہے کہ جولائی کے مہینے سے ہی لوگ کافی تذبذب میں مبتلا رہے ہیں اور کئی بار نیشنل ہائی وے پر یاترا کے دوران پابندی عائد کرنے کی خبر بھی سامنے آئی ہے۔
اس بابت کشمیر کے ڈویژنل کمشنر بصیر خان اور آئی جی کشمیر ایس پی پانی نے مشترکہ پریس کانفرنس سے خطاب کرتے ہوئے کہا کہ 'یاترا کے دوران عام لوگوں کے آنے جانے پر کوئی پابندی عائد نہیں کی گئی ہے۔'
